MATEOS 26:75 - Susula Malalaok Hehelu Palak Ma Hehelu Beuk

⁷⁵ Boema Petrus nafandele Yesus nafa'da basan nae, “Manu a beita kokoa boen te o malelesi Au la'i telu so.” Boema Petrus kalua leo deak neu de ana kii-makaleleu ma dale na he'di nanseli.

MATEOS 26:75 ပူးပေါင်းရင်းမြစ်များ

MATEOS 10:33

Tehu metema see nalelesi Au nai lea matan nae, Au ana mana tungang ta ndia fa soona, neukose Au boeo, alelesi hataholi ndia, nai Au Amang manai nusa so'da ka matan boe.”

MATEOS 26:34

Boema Yesus nafa'dan nae “Mafandendelek, te le'odaek ia boe, manu a beita kokoa fa te o malelesi Au la'i telu so.”

MATEOS 26:74

Boema Petrus mulai soo-supa nae, “Au ta alelak hataholi ndia fa!” No hatematak ndia boe, manu a kokoa.

YOHANIS 13:38

Boema Yesus nae, “Ade tete'e ka, o nau mate soaneu Au do? Fo ela o bubuluk leona te, manu ana beita kokoa fa, te o mafa'da basa la'i telu mae, o ta malelak Au fa!”

1 KORINTUS 4:7

See ka nde nakadada'dik emi lenaheni hataholi fe'e kala? Ade basa hata lala'ena, emi ta sipon neme Manetualain mai fa do? Da'di tao le'e de emi nau koao-ndaeao, nono'kabai de hata fo emi manuuk sila la ta hata nanafek sila la fa?

GALATIA 6:1

Tolano-tolanoo ngala lemin! Metema emi mita hataholi esa tao sala-singok soona, ela leo bee na emi mana maso'da nai Manetualain Dula Dale na dale ka, hela-nole hataholi ndia fo ana fali ma'in leo eno ndo sa mai. Tehu muse emi tulu-fali hataholi ndia no dale nakaloe-nakadaek, ma manea fo daenga emi boso tu'da leo tatao-nono'ik ndia dalek meu.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.