MATEOS 26:39 - Susula Malalaok Hehelu Palak Ma Hehelu Beuk

³⁹ Basa boema Ana la'ok leo uluk neu doo-doo ana faa, de Ana senek boema Ana hule-haladoi nae. “Ama, metema Ama nau soona, madok doidosok fo Au muse lu'a-lepan ia neme Au a mai. Tehu boso tunga Au hihii-nanaung, te tunga ka'da Ama hihii-nanaun.”

MATEOS 26:39 ပူးပေါင်းရင်းမြစ်များ

KEJADIAN 17:3

Boema, Abram senek, de basa boema, Manetualain nafa'da nae,

2 SEMUEL 15:26

Tehu metema, Manetualain ta sue-lai au fa soona, au sadia sipok hata fo Ana taon la'eneu au aoinang-nga!”

1 TAWARIKH 21:16

Dauk nita ata nusa so'dak ndia laa nai lalai n daebafak ka tala'da. No tafaina manai liman-na ndia, ata nusa so'dak ndia naheheleaon soaneu tao namate-namopo Yerusalem. Boema Dauk ma mauli-malangan laun nala, fo nai lelek ndia ala bei pake bua papake lafa lapik fo da'di ta'du-tana sale dalek ka, ala senek leu dae lain.

YESAYA 50:5

Manetualain fe au malelak; au ta la'ban, do lepos la'oela fan.

YESAYA 53:12

Ana fe heni so'dan-na, no dale hihii-nanau mesan-na, de nanalekek nai hataholi mangalauk-kala, dede'un-na dalek. Ana nasaa, hataholi makadotok sala-singon, ma ana hule-haladoi, fo ela hataholi sila, hapu do'o do ampon. Boema Au fen hataholi makadotok, da'di leo bua palsen, ma ana hapu baba'ek sama-sama no hataholi ndoos-sala.”

YESKIAL 1:28

ma dula-na mata-matak, sama leo elus-sa. Mandela-masa'ak ndia, nde natu'du Manetualain mamain-na. Au ita manada'dik ndia boema, au tu'u atotonokala u dae lain. Boema au amanene halak-ka nafa'da nae,

BILANGAN 14:5

Boema musa no Harun, senek leu basa laun-na matan-na.

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

MATEOS 20:22

Boema Yesus nafa'das nae, “Emi ta bubuluk hata fo emi moke ka fa. Ade emi mapalani minu nggalaa doidosok, fo Au muse inu ka do ta?” Lataa lae, “Ami mapalanin.”

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 26:42

Boema Yesus neu hule-haladoi la'i esa seluk nae, “Ama, metema doidosok ia, Au muse la'o la'din, ma ta hapu tao nadoo kana fa soona, neme na fo Ama hihii-nanaun da'di leona.”

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

LUKAS 17:16

Boema nai Yesus matan, ana sene-do'ok ma noke makasi neun. Hataholi ndia hataholi Samaria.

YOHANIS 11:41

Boema ala soliheni batu ndia. Basa boema, Yesus nanganalo leo lalai neu de nae, “Makasi ba'u ka Ama, ninik O mamanene Au so.

YOHANIS 14:31

Tehu basa sila la muse ala da'di, fo ela daebafa ka bubuluk lae, Au sue-lai Ama ka de Au tao basa hata lala'en, fo Ama ka paletan soaneu Au a. Naa, mai fo ata la'oela mamanak ia leona.”

YOHANIS 18:11

Boema Yesus nafa'da Petrus nae, “So'dok falik o tafaina ma leo mamanan dale neu! Ade tunga o dale dodoo ma, neukose Au ta inu nggalaa doidosok fo Ama ka fen neu Au ndia fa do?”

YOHANIS 5:19

Boema Yesus nataa hataholi sila la nae leo ia, “Mamahele leona te, Ana ka ta hapu tao-no'i hata esa boen, ninik koasa na mesa kana fa. Ka'da ka Ana tao-no'i hata fo nita Aman tao-no'i nana. Nana hata fo Ama ka tao-noin soona, ndia nde Ana ka tao-no'in boe.

YOHANIS 5:30

“Au ta hapu tao-no'i hata esa boen, tunga Au hihii-nanau mesang-nga fa. Te Au aketu-ala'di tunga ka'da Manetualain paleta na. Boema Au nakeketu nga matetuk, nana Au ta tunga Au hihii-nanau mesa nga fa, te Au tunga Amak fo manamadenu Au a, hihii-nanaun.

YOHANIS 6:38

Nanahu Au eme nusa so'da ka mai, fo Au ta tao-no'i tunga ka'da Au hihii-nanau mesa nga fa, te Au tao-no'i tunga Amak fo manamadenu Au a, hihii-nanaun.

HATAHOLI 10:25

Petrus losa boema, Kornalius neu solu kana de ana senek neu mata na.

FILIPI 2:8

Nakaloe-nakadae ao ina na, boema naso'da tunga Manetualain paleta na, losa Ana mate neme ai nggangek lain.

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.