MATEOS 26:26 - Susula Malalaok Hehelu Palak Ma Hehelu Beuk

²⁶ Lelek fo la'a boema Yesus ho'i na loti a, de Ana hule-haladoi noke makasi. Basa boema Ana tete'i loti ndia ninik lima na, de Ana fen neu ana mana tunga nala ma nae, “Ho'i man fo mi'an leona; ia nde bee na Au ao paa nga.”

MATEOS 26:26 ပူးပေါင်းရင်းမြစ်များ

MATEOS 14:19

Basa boema nadenu hataholi makadotok sila la, langatuuk leu na'u lain. Boema Ana ho'i na loti bia kalima kala, ma i'a boa kaduak sila la, de nanganalo leo lalai neu, fo noke makasi neu Manetualain. Basa ndia boema, Ana tete'i loti sila la, de Ana fes leo ana mana tunga nala, fo ala baba'e fes leu hataholi makadotok sila la.

MATEOS 26:27

Basa ndia boema, Ana ho'i na nggalaa angol esa de noke makasi neu Manetualain. Basa boema Ana fe nggalaas ndia neu ana mana tunga nala ma nae, “Basa-basa mala minun leona.

MARKUS 6:41

Basa boema, Yesus ho'i na loti kalima kala ma i'a boa kaduak sila la de nanganalo leo lalaia neu, boema noke makasi neu Manetualain. Basa ndia boema, Ana tete'i loti sila la de Ana fen neu ana mana tunga nala, fo ala baba'e fes neu hataholi makadotok sila la. Ana baba'e i'a boa kaduak sila la neu hataholi sila la basa-basas.

LUKAS 22:17

Basa ndia boema, Yesus so'uk nggalaa Ango la leo lain neu, boema Ana hule-haladoi noke makasi neu Manetualain, basa boema nae, “Ho'i ma ia, fo baba'en leona!

LUKAS 24:30

Nai lelek fo Yesus nangatuuk na'a sama-sama nos, boema Ana ho'i na loti a de noke makasi neu Manetualain de Ana tete'i loti ndia ninik lima na de Ana fen neu duas.

HATAHOLI 2:46

Tunga faik lakabubua tataas esa nai Manetualain Uman dale, ma la'a-linu lakabubua no namahokok, ma lasue-lalai ao nai uma lo nala dalek.

HATAHOLI 20:7

Mamaso na fai makasososa na le'odae boema, ami makabubua de ami mi'a-minu sama-sama nono'ka bai tolanoo ka. Le'odaen ndia, Paulus kokolak no hataholi sila la, nana balahaa te ana sanga la'o ndia so. Fatila'da so, te Paulus bei kokolak nakandoo.

1 KORINTUS 10:4

ma linu nininu salanik matak esa. Basa-basas linu neme lete batu salanik fo sama-sama no sala; lete batu ndia nde Kristus mesa kana.