MATEOS 25:5 - Susula Malalaok Hehelu Palak Ma Hehelu Beuk

⁵ Losa fai na so, te mana ka'bing touk ndia beita mai fa, hu ndia de mata nala ndua ka de ala sungu.

MATEOS 25:5 ပူးပေါင်းရင်းမြစ်များ

KIDUNG AGUNG 3:1

Le'odaen-na nai au pepe'ung lain au sanga au tuana susueng-nga nai meis dale; au sangan, tehu manada'di taak.

KIDUNG AGUNG 5:2

Au sungu, tehu au daleng-nga kame'dak. Mamanene te, au touana susueng-nga dedelu lelesu-a. Soi lelesu fa'ding-ngo, au inaana susueng-nga, au manupui kaluang-nga, au susueng-nga; Au langa doong-nga nakadoe dinis le'odaek-ka.

KIDUNG AGUNG 5:3

Au o'du heni au ba'dung-nga so; ade, neukose au bei pake seluk-kana do ta? Au safe basa au eing-nga so, ade, neukose au bei tao anggenggeo seluk-kana do ta?

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

MATEOS 24:48

Tehu metema malalau-maoono ndia mangalau ka soona, neukose ana dodoo nai dalen dale nae,

MATEOS 25:19

Basa ndia de doo na seli besa ka tuan ndia fali ma'in. Boema nalo na basa malalau-maoono nala de nokes ala leke doi nala.

MATEOS 25:4

Tehu ana fe'oana malela kalima kala soona, lini banuk ma mina lenak.

MATEOS 25:6

Fatila'da boema besa ka lamanene hala ka nalo nae, ‘Mana ka'bing tou ka mai so, de mai sipo kana leona!’

MATEOS 26:40

Basa ndia boema, Yesus fali leo ana mana tunga katelu nala neu te nitas ala bei sungu. Boema nafa'da Petrus nae, “Ka'da li'u esa mesa kana boeo, emi telu ta nau manea sama-sama mo Au fa?

MATEOS 26:43

Basa ndia boema, Yesus fali ma'in te ana mana tunga nala bei sungu, nana mata nala ndua ka nanseli.

LUKAS 1:21

Ndia te, hataholi la lahani lahele Zakharia. Ala dodoo doa kana, tao le'e de ana doo-doo basa ia nai Manetualain Uman dale.

LUKAS 12:45

Tehu metema malalau-maoono ndia dodoo nai dalen dale nae, ‘Au tua nga bei doo ka besa ka ana fali ma'in,’ boema ana fepa-li'u basa malalau-maoono nala, ma na'a-ninu losa mafuk,

LUKAS 18:8

Mamahele leona! Te neukose no lai-laik, nasala'e dede'a nala! Tehu metema Ana Hataholi ka mai soona, ade bei natongo no hataholi fo namahele neun nai daebafak ia do ta?”

LUKAS 20:9

Yesus tui hataholi sila la nakandandaak manamai ka nde ia nae, “Hapu touk esa ana sele osi angol esa. Basa boema ana fe osi ndia neu manaso'u belak de'ubee fo ala seban, boema ana la'o leo nusa fe'ek neu fo ana leo nala doo ka nai naa.

ROMA 13:11

Fe'ek neme ndia mai, emi bubuluk mae, faik ia nde bee na faik soaneu emi fo'a meme emi susungu ma dalek mai. Nana fai na losa soaneu ita nanasoi-tefa ka, besak ia ana deka neme lelek fo besa ka ita mulai tamahele a.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

1 PETRUS 5:8

Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.

NINITAK 2:25

Tehu mahani te losa faik fo Au mai, ela leo bee na emi tunga mahele hata fo emi manuu basan so.