MATEOS 25:41 - Susula Malalaok Hehelu Palak Ma Hehelu Beuk

⁴¹ Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MATEOS 25:41 ပူးပေါင်းရင်းမြစ်များ

MAZMUR 119:115

Hai hataholi mangalauk-kala lemin, madook meme au mai! Au nau tunga au Manetualaing paletan-na.

MAZMUR 119:21

O ka'i hataholi manakoa-ndaeaok-ka, ma O supa-soo hataholi fo, ana singo neme O paletam-ma mai.

MAZMUR 139:19

Ou Manetualain, ela bee-na O tao mamopo-mamate hataholi mangalauk-ka, madook basa kanisak-kala, neme au mai!

MAZMUR 6:8

Au matang-nga keluha'bu, nanahu dale he'dik-ka, ma nasalalalok, nanahu au musung-ngala.

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YEREMIA 17:5

Manetualain nafa'da nae, “Metema hataholi la'o ela Au, fo ndia Manetualain-na, fo namahena neu ka'da hataholi daebafak-ka boema nasalai dean-na neu ka'da be'i-balakain soona, neukose Au huku.

MATEOS 13:40

Sama leo, ala puputu lakabubua fii la fo ala hotu henis nai ha'i dale a, leondiak boe, neu Fai Mate'e ka te leondiak boe.

MATEOS 13:42

nanatu'uk leo la'o mana pila lo'a-lo'a ka dalek leu; fo nai ndia neukose ala kii-makaleleu ma ala doidoso.

MATEOS 13:50

Basa soona, ala tapa hataholi mangalauk sila la leo tasi ha'ik dale neu, fo ala kii-makaleleu ma ala doidoso lai ndia.”

MATEOS 18:8

Metema o lima ma do o ei ma tao na o masala-masingo soona, tete man fo tapa henin. Fo malole lenak o maso'da mo Manetualain no lima seselik do ei seselik, neme ala tapa o leo tasi ha'ik dale neu no o limam duas do o eim duas.

MATEOS 25:42

Nanahu nai lelek Au amala'a, emi ta fe Au u'a fa; ma nai lelek fo Au maa ma'da, emi ta fe Au inu fa.

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

MATEOS 4:10

Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

MATEOS 5:22

Tehu besak ia, Au afa'da neu emi te, ba'eneu see fo namanasa hataholi fe'ek soona, neukose ana hapu huhukuk nai Mana Maketu Mala'di Agama Matua matan. Ma ba'eneu see naseo hataholi nae, ‘Nggoak’ soona, hataholi ndia nandaa tapan leo tasi ha'ik dale neu.

MATEOS 7:23

Soona neukose Au ataa ae, ‘Au ta alelak emi makandondook fa! La'o madook ia, hei hataholi mana tao-no'i mangau kala lemin!’ ”

LUKAS 13:27

Tehu Tuan ndia neukose nafa'da seluk nae, ‘Au ta bubuluk emi meme bee mai fa. La'o meme ia, hai emi fo hataholi mangalau kala lemin!’

LUKAS 16:24

Boema hataholi kamasu'ik ndia nalo bou-bou nae, ‘Ama Abraham! Sue-lai au dei. Madenu Lasarus dope lima ku'u na leo oe dale neu, boema ana mai fo nakadoe au maa nga dei. Te au doidoso anseli nai ha'ipilak ia dalek!’

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

2 TESALONIKA 1:7

Boema ba'eneu emi fo mana doidosok besak ia la ma ami boe neukose Manetualain tao namalola ita basa tala dale nala, nai faik fo Lamatuak Yesus no ata nusa so'dan mana koasa nala, leme nusa so'da ka mai, fo latu'du ao nala,

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.

IBRANI 6:8

Tehu metema dae ndia nabuna-naboa fii, ma na'u ai ana madila-nggauk, soona dae ndia sosoa-ndandaan ta, de mahani te, neukose Manetualain soo-supan, fo mate'e na, nanahotu henik.

2 PETRUS 2:4

Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

1 YOHANIS 3:10

Manetualai nana nala ma Nitu ana nala ta'du tanan leo iak: see ta tunga Manetualain hihii-nanaun do ana ta sue-lai tolano na fa soona, Manetualai nanan ta ndia fa.