MATEOS 25:36 - Susula Malalaok Hehelu Palak Ma Hehelu Beuk

³⁶ Au papake-ngganggaong ta, boema emi fe Au papake-ngganggaok. Au amahe'di, boema emi puli mamo'do Au. Au nanahukuk, boema emi tulu-fali au.’

MATEOS 25:36 ပူးပေါင်းရင်းမြစ်များ

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

YESKIAL 18:16

do ana tuni-ndeni, do namanako su'di beek-ka. Ana fe falik hataholi mahutak-kala bua pepe'dan soaneu hutan-nala. Ana fe hataholi kamala'ak-kala, la'a, ma ana fe hataholi ba'du tak-kala, bua papakek.

YESKIAL 18:7

Ana beita tipu-dai nita, do namanako fa. Ana fe falik hataholi mahutak-kala, bua pepe'dan soaneu hutan-nala. Ana fe hataholi kamala'ak-kala la'a, ma ana fe hataholi ba'du tak-kala, bua papakek.

YESKIAL 34:4

Emi ta mafaduli bi'ilopo tapandoes-sala fa, emi ta puli-mamo'do kamahe'dis-sala fa, emi ta sanga manamopok-kala, ma emi ta foo falik manamatofa-matalak-kala fa. Tehu emi taos no balakaik, ma ta pake susue-lalaik fa.

MATEOS 25:37

Boema hataholi manai boboa kona na lae, ‘Lamatuak, faihi'da ka nde ami mita Lamatua ka namala'a, boema ami fe Lamatua ka na'a do maa ma'da de ami fe Lamatua ka ninu?

MATEOS 25:43

Au hataholi mana mai, te emi ta sipok Au nai emi umam fa. Au papake-ngganggaong ta, te emi ta fe Au papake-ngganggaok fa. Au amahe'di ma Au nai bui dale, te emi ta meu donge-dama Au fa.’

LUKAS 3:11

Yohanis nataa nae, “Hataholi fo nanuu ba'du biak dua soona, muse ana fe esa leo ba'du ta ka neu; ma hataholi manana'a-nininu ka, muse ana baba'e fe hataholi nana'a-nininu ta ka.”

HATAHOLI 20:35

Nai basa dede'ak lala'ena dalek, au fe emi natutu'duk ae, ka'da no manggate leo ia ka nai ue le'di sa dalek, ita muse tulu-fali hataholi tapandoe sala. Nana ita muse tafandendelek hata fo Lamatuak Yesus nafa'da matam nae, ‘Fe fee ka, ua-nalen ba'ulena heni sisipo ka.’ ”

IBRANI 10:34

Leondiak boeo emi tunga mame'da dale he'dik soaneu hataholi fo nanahuku ka. Ma nai lelek basa hata fo emi manuu kala nanaloso nak, emi sipok ndia no dale namahokok nana emi bubuluk mae emi bei manuu hata esa fo malole na lena, fo neukose nakatatakak losa dodoo na.

IBRANI 13:3

Mafandendelek leona te, hataholi manai bui dale la, nono'ka bai emi boeo nai bui dale sama-sama mos. Ma hataholi-hataholi fo ala tao su'dibebe'i ka lo sala, ela leo bee na emi mafandeles, nono'ka bai ala tao emi leondiak boe.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.