MATEOS 24:43 - Susula Malalaok Hehelu Palak Ma Hehelu Beuk

⁴³ Mafandendelek dede'a ka nde ia! Leo uni ka uma lamatuak bubuluk li'u de'u bee fo nakodaa ana mai, soona neukose nanea fo nakodaa boso masok leo uman dale neu.

MATEOS 24:43 ပူးပေါင်းရင်းမြစ်များ

AYUB 24:16

Nakodaa, ana bonga uma, nai fai le'odaen-na; fo nai fai lele'don-na soona, ana ta nau mangale'dok-ka, la'e fan, de neu ke'ke.

AMSAL 7:19

Au saotoung-nga ta nai uma fa, te ana bei leo dook-ka neu.

MATEOS 14:25

Lolebalahaak boema, Yesus la'ok tunga oe lain de Ana mai tungas.

MATEOS 20:11

Ala sipo la boema, bemumu lo osi lamatuak lae:

MATEOS 24:42

Da'di manea leona, nana emi ta bubuluk faihi'da fo neukose emi Lamatua ma Ana mai fa.

MATEOS 24:44

Hu ndia de emi boeo muse mahehele ao mala. Nanahu Ana Hataholi ka Ana mai nai faik fo emi ta hapu neuk mala fan.”

MATEOS 25:10

Boema ana fe'oana nggoa kalima nggoa kala leu asa mina. Ala la'o tutika mana ka'bing tou ka losa. Boema ana fe'oana malela kalimak fo mana mahehele ao basak sila la, ala masok sama-sama lo mana ka'bing tou ka leo mamana feta leu de ala kena lelesu a!

MATEOS 25:13

Boema Yesus kokolak nate'e nakandandaak ndia nae leo ia, “Hu ndia de manea leona, nanahu emi ta bubuluk fai na do li'u na fa.”

MARKUS 13:35

Hu ndia de, emi muse manea, nana emi ta bubuluk neu faik bee ndia, fo uma lamatuak ana fali ma'in – fafa'kama la'e le'donosok, fafa'kama la'e fatila'da neu dua, fafa'kama la'e lolebalahaana na, do fafa'kama la'e le'do tii.

MARKUS 6:48

Yesus mete nitas, ala sefe ofak ndia no toto'a-sosotak nana latongo lo ani solu a. Hu ndia de lolebalahaak boema, Ana la'ok tunga oe lain de neu tungas. Ana sanga nae la'o nakandoo fo Ana la'o selis.

LUKAS 12:38

Nanalak matuaina ba'eneu malalau-maoono sila la, metema sila tuan ndia hapu nas bei lahehele aon lahani, leomae ana mai nai fatila'dak do nakamama'ak lena neme ndia mai!

LUKAS 12:39

Mafandendelek ia leona! Leo uni ka uma lamatuak bubuluk li'u ba'u bee nakodaa neukose ana mai soona, neukose nanea fo ela nakodaa ta masok leo uman dale neu fa.

LUKAS 21:36

Manea mahele ma hule-haladoi tataas esa leon, fo ela emi makatatakak mabe'i nai basa manda'dik fo neukose ala da'di, ma fo ela emi hapu masasale matak mabe'i mo Ana Hataholi ka.”

NINITAK 16:15

“Mamanene leona! Te Au mai sama leo nako'ka. Maua-manalek neu hataholi fo naheheleaon nahele, ma nanea bua-papake na, nalosa ana ta la'ok no makaholak fo ana mae nai lea matan!”

NINITAK 3:3

Da'di, mafandendelek fo fali leo hata fo makahulu na nananoli basak neu emi ma hata fo emi mamanene basan so. Makalala'ok basa sila la ma tukaitei-saledale neme emi sala-singo mala mai. Metema emi ta fo'a fa soona, neukose Au mai fo Au huku emi. Neukose Au mai sama leo nakodaa, nalosa neukose emi ta bubuluk faihi'da fai na fo Au mai fa.