MATEOS 23:8 - Susula Malalaok Hehelu Palak Ma Hehelu Beuk

⁸ Tehu emi boso nau lalo emi lae: ‘Ama Mesen’, nana emi mesem ka'da esa mesa kana, de emi ia tolanoo kala.

MATEOS 23:8 ပူးပေါင်းရင်းမြစ်များ

MATEOS 10:25

Metema ni'iana sakola ana esa, ana da'di sama leo mese na, ma ata esa, ana da'di sama leo malanga na soona, dai so. Makanaema malanga uma lo a, ala foi basa na'de na lae Baalzebul, soona muda hata no uma isi nala bai. Neukose ala fes na'dek esa, mangalau na ba'u lena seluk ndia bai!”

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

MATEOS 23:10

Ma emi boso nau lalo emi lae, ‘Mauli-Malangan’, nanahu emi mauli-malangam ka'da esa mesa kana, fo nde Mane Mana Fe So'dak, fo Manetualain helu ka.

MATEOS 23:7

Ala hii ka'da hataholi la fes ha'da-holomata, ma laloos lae, ‘Ama Mesen nai hataholi ba'u matan.’

MATEOS 26:25

Boema Yudas fo mana ke'dindiuk ndia nae, “Tao leo bee o au ta nde Ama Mesen nafa'da ka fa hetu?” Yesus nae, “O nde mae leondia!”

MATEOS 26:49

Ala losa mamanak ndia tutika Yudas nakandoo leo Yesus neu de nafa'dan nae, “So'da molek neu, Ama Mesen!” Boema ana de'i Yesus.

MARKUS 10:51

Yesus natanen nae, “O nau Au tao o le'e?” Hataholi pokek ndia nae, “Ama Mesen, au hii au ita.”

MARKUS 11:21

Boema Petrus nafandele na hua sa manda'di ka. Boema nafa'da Yesus nae, “Ama Mesen, mete su'di kana dei! Te ai kak fo Ama supa-sook ndia maten so!”

MARKUS 14:45

Yudas mai tutika nakandoo leo Yesus neu de nafa'dan nae, “Ama Mesen!” basa boema, ana de'i Yesus.

MARKUS 9:5

Boema Petrus nafa'da Yesus nae, “Ama Mesen, ita leo mai ia na, malole naseli. Malole lenak ami tao ma lalaak telu mai ia fo, Ama soa esa, Musa soa esa, ma Elia soa esa.”

LUKAS 22:32

Tehu Au hule-haladoi basa soaneu o so Simon, fo ela o namahe le ma boso kou-mosa. Ma metema o fali leo Au mai soona, o muse matetea-mahehele o tolanoo mala.”

YOHANIS 1:38

Yesus lipa leo dea neu boema, nita duas tungan. Boema natanes nae, “Emi dua sanga beek?” Boema duas lataa lae, “Mesen, Mesen leo nai bee?” (Dede'a Rabi ndia, sosoa na nae, Mesen.)

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 11:8

Boema lae, “Ama Mesen, fai lai-laianak ia, hataholi Yahudi la sanga tapa Ama ninik batu, tehu besak ia, Ama nau fali seluk leo naa neu bai?”

YOHANIS 20:16

Boema Yesus nafa'dan nae, “Maria!” Tutika Maria lipa leo Yesus neu de, ana kokolak ninik dede'a Ibrani nae, “Rabuni!” (Fo sosoa na nae, “Mesen.”)

YOHANIS 3:2

Le'odaek esa boema, neu leo Yesus neu, de natanen nae, “Ama Mesen, ami bubuluk Manetualain nde nadenu Ama mai. Nanahu hataholi ta hapu tao manda'di beuk, sama na leo Ama tao kala fa, metema Manetualain ta nok hataholi ndia fa.”

YOHANIS 3:26

Boema leu lafa'da Yohanis lae, “Ama Mesen, ade Ama bei mafandendelek makahulu na, Ama neme Lee Yarden-na, Ama matu'du ami hataholi a do? Besak ia, Ana salani hataholi boe!”

YOHANIS 4:31

Ndia te, Yesus ana manatunga nala kokolak lon lae. “Ama Mesen, mu'a leona.”

YOHANIS 6:25

Hataholi sila la leu de latongo lo Yesus neme dano selik boema, latanen lae, “Ama Mesen, Ama losa ia ndek fai hi'da ka?”

YOHANIS 9:2

Boema Yesus ana manatunga nala latanen lae, “Ama Mesen, tao le'e de hataholi ia, bongin te pokek so? Ade hu ka nde ndia sala-singon, do ina-aman nde tao sala-singo ka?”

2 KORINTUS 1:24

Au ta laka-akaseti emi la'eneu hata fo emi muse mamahelen, nana emi mamahele manseli neu Kristus so. Ka'da au tao-no'i neu esa o emi, fo ela emi boetai maua-manale.

2 KORINTUS 4:5

Halak fo ami manduku-malosa kana ndia, ta nde halak la'eneu ami fa, tehu la'eneu Yesus Kristus nae Ndia nde bee na Lamatuak ma ami nde bee na o ata mala, nanahu ndia.

EFESUS 3:15

Neme Ndia mai de, basa nggileo-bobongik manai nusa so'da ka ma manai daebafa ka lala'ena, ala sipo Manetualain so'da matetu-mandaa nala.

FILEMON 1:16

Besak ia, ana ta da'di ata esa soaneu ka'da tolano ka mesa kana fa; tehu lena neme ndia mai. Ndia nde bee na, hataholi kamahehele susue-lalaik boe. Sosoa-ndandaan ba'u na seli soaneu au, lena-lenak soaneu o bai! Tao leo bee o, sosoa-ndandaan ba'u na seli, nau da'dileo ata do da'dileo tolanook nai Lamatua ka dalek!

YAKOBIS 3:1

Tolano-tolanoo ngala lemin! Boso hataholi ba'u ka nai emi dalek, nau da'di mesen. Nana ela emi bubuluk te, laketu-lala'di hataholi mana da'di mese nala soona, bela na lena heni hataholi fe'e kala.

1 PETRUS 5:3

Boso tao emi ao ina ma, nono'kabai de, emi da'di mana koasa neu hataholi fo ala fe emi maneas ala, te emi muse da'di natutu'du malole soaneu hataholi sila.

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.

NINITAK 22:9

tehu nafa'da au nae, “Bosok! Boso sene-do'ok neu au! Sene-do'ok neu Manetualain! Nana au boeo ata sama na leo o, ma sama leo o tolanoo nabi mala, ma basa hataholi manatao tunga hala-heheluk manai susulak ia dale ka!”