MATEOS 23:31 - Susula Malalaok Hehelu Palak Ma Hehelu Beuk

³¹ Da'di emi manaku aom mae, emi nde hataholi mana taonisa nabi la, tititi-nonosi na!

MATEOS 23:31 ပူးပေါင်းရင်းမြစ်များ

MAZMUR 64:8

Tehu Manetualain kou, kokou isin-na neus, de nggenge te, lakahina so.

RATAPAN 4:13

Tehu dede'ak ndia da'di so nanahu imam-imam ma nabi-la sala-singon. Ala taolisa hataholi sala tak-ka so.

MATEOS 23:30

Boema emi mafa'da mae, ‘Leo uni ka ami maso'da ndek lelek ami bei-ba'i kai makahulun eli la soona, ami ta tunga mos fo taomisa nabi la fa.’

MATEOS 23:32

Metema leondiak soona tao makandoo, ma tao makababasak sala-singok fo nanamulai basak neme emi bei-ba'i kaim sila la mai!

MATEOS 23:34

Mamanene matalolole, te neukose Au haitua fe emi nabi-nabi, hataholi manatee tenok, ma mese-mese nala; tehu neukose emi taomisa hataholi sila la nggelok, boema emi lona nggange nggelok. Hapu nggelok neukose emi fepa-li'us nai uma mamaso kala dalek, ma emi usis leme kota esa leo kota esa.

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

LUKAS 19:22

Manek ndia nafa'dan nae, ‘O malalau-maoono mangalauk! Neukose au huku o nandaa no o hala-kokolam. O bubuluk au hataholi fo dale matea. Au ho'i hata fo ta au nung fa, ma au ketu-kolu buna-boak nai mamanak fo au ta sele-nggali fa.

YOSUA 24:22

Boema Yosua nae, “Nah, emi nde da'di sakasii, mae emi maketu basa, soaneu mamahele ka'da neu Manetualain.” Boema lataa lae, “Tete'ek-ka ami nde da'di sakasiin-na.”