MATEOS 23:13 - Susula Malalaok Hehelu Palak Ma Hehelu Beuk

¹³ “Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

MATEOS 23:13 ပူးပေါင်းရင်းမြစ်များ

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

ZAKHARIA 11:17

Soo-supak ba'eneu manafoo sosoa-ndandaa tak ndia! Ana la'oela bi'ilopo bubuan-na so. Neukose natee-natatik-ka, tao nate'e koasan-na. Neukose, male heni alun-na, ma poke mata konan-na.”

MATEOS 23:16

Soe ba'eneu emi, fo mauli-malanga poke kala lemin! Emi manoli mae leo ia, Metema hataholi supa-soo ninik Manetualain Uma na soona, hataholi ndia natapo'i neme supa-soon mai, tehu metema ana supa-soo ninik lilopilas manai Manetualain Uman dale soona, ana ta natapo'i neme supa-soon ndia mai fa.

MATEOS 23:23

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi ho'i ma bumbu dala dae, adas makeek, jintan baba'ek esa neme baba'ek sanahulu mai fo emi fen leo Manetualain neu. Te se'ko na dede'a mabeli ina la nai agama hoholo-lalane nala dalek, fo sama na leo: maketu-mala'di tunga ndo na, dale manasue-lai ka ma lilineka ka, emi ta taoafik neu fas. Te se'ko na dede'ak sila nde muse emi tao-noin no boso mafandele heni dede'a fe'e kala boe.

MATEOS 23:25

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi safe balisi emi pinga-mangom dea nala, te see ko na dale na soona manggenggeo na seli ninik hata-hata fo emi hapun no nalaka-nasetik ma tenepeta ka.

MATEOS 23:27

Soe ba'eneu emi, mese agama la ma hataholi Farisi la lemin! Emi ia hataholi mana dea-dale kala! Emi sama leo late nanadama fula ka, fo meten neme deak mai soona mana'a hiik, tehu nai dalek henuk no duik ma kaboo pulu ka.

MATEOS 23:29

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mafofo'a late malole soaneu nabi la, ma emi barias hataholi so'da na malole la lutu nala.

MATEOS 3:7

Hataholi Farisi la ma hataholi Saduki la boeo makadotoknan mai fo loke Yohanis salanis. Tehu Yohanis mete nitas ala mai boema nafa'das nae, “Hei, hataholi mangalau kala lemin! See ka nde nafa'da emi nae, emi ta hapu malai meme Manetualain huhuku mana mai na fa?

LUKAS 11:52

Soe ba'eneu emi, fo mese agama la lemin! Nggoek soaneu soi lelesu malela ka emi nde ho'u nana, tehu emi ta nde nau masok leo dalek meu soaneu sanga malelak ndia fa. Nasafali na, emi mapanggengge hataholi mana sanga enok masok leo dalek neu a!”

YOHANIS 9:22

Hataholi ndia ina aman lafa'da lae leondia, nanahu ala bii lasi-lasi Yahudi la. Hu ka nde basa malanga Yahudi la lalahalak basa lae, metema see manaku Yesus da'dileo Mane Mana Fe So'da ka soona, ta bole neu leo uma mamasok dale neu so'on.

YOHANIS 9:24

Boema lalo seluk hataholi fo besa ka nita ndia de lafa'dan lae, “Supa-soo leona mae, o mafa'da tunga ndo na. Te ami bubuluk hataholi mana makahahaik o ndia, hataholi masala-masingok ndia.”

YOHANIS 9:34

Boema lae, “O mae le'e? Ala bongi o no sala-singok, tehu o sanga manoli ami bai?” Mulai neme faik ndia mai, ala ta nau hataholi ndia neu leo uma mamasok dale neu so'on.

HATAHOLI 13:8

Tehu Elimas fo tou mana suangik ndia, ana la'ban Barnabas no Saulus, nana Elimas (fo na'de Yunani na nde ndia) ana sanga enok fo boso nalosak gobelnol ndia namahele Yesus.

HATAHOLI 5:28

Imam matuaina nafa'das nae, “Ami kena-ka'i emi no mahelek fo boso boe manoli la'eneu Hataholi ndia bai. Tehu besak ia so'ba mete su'di kana, emi tao beek ia! Emi tui-benga mamaloa emi nanolim ndia nai basa Yerusalem lala'ena, tehu emi nau kalaak masafali ami mae, ami nde tataom Hataholi ndia mamate na.”

HATAHOLI 5:40

Boema lalo hataholi nadedenuk sila la de ala filu kasa, basa boema ala kena-ka'is, fo boso boe lanoli la'eneu Yesus bai. Basa ndia boema, besa ka ala po'is.

HATAHOLI 8:1

Ma Saulus sipok kanisak ndia no namahokok boe. Faik ndia dale na boe, ala usi salanik manai Yerusalem-mala, de nalosa hataholi kamahehele kala lalai tapasasala leo basa nusa Yudea no Samaria lala'ena leu, ta'da fe'e Lamatua ka hataholi nadedenu nala soona, ta lalai fa.

2 TIMOTIUS 3:8

Sama na leo Yanes no Yambres, fo makahulu na ala lena-la'ban Musa, leondiak boe, hataholi sila la ala lena-la'ban Manetualain nanoli nala. Dudu'a-aafi nala nalutus, ma namahehele nala boeo, kou mosa so.

2 TIMOTIUS 4:15

O boeo, muse i'akouk hataholi ndia, nana hataholi ndia ana laban mangalalau no ita tutui-bebengan.