MATEOS 22:9 - Susula Malalaok Hehelu Palak Ma Hehelu Beuk

⁹ Besak ia, meu leo okofoo la lain meu, fo ka'i hataholi su'di ba'u bee a, fo ala mai leo feta ka'bing ia mai.’

MATEOS 22:9 ပူးပေါင်းရင်းမြစ်များ

YESKIAL 21:21

Nana, manek Babel-la napadeik neu eno kaba'ek-ka, fo ana mete, ana tunga enok beek-ka, fo neu noke natutu'duk neme ndia sosongo-tatangon-nala mai, nakalolokok kokouisik, ma ana palisak bana fo, besak-ka nanatunu-hotuk-ka, aten-na.

OBAJA 1:14

Ta nandaa, o mapadeik muu eno kaba'ek-kala, fo mapadedeik-ma, hataholi fo nalai neme musu dale mai, do nai faik ala hapu toto'a-tataak-ka, o fes leo musun-nala neu.”

MATEOS 20:7

Boema hataholi sila la lae, ‘Hataholi ta noke ami maue-male'di fa.’ Boema osi lamatuak ndia nae, ‘Metema leondiak soona, meu maue-male'di nai au osi angol dale.’

MATEOS 22:10

Boema malalau-maoono sila la leu leona. Leu leo okofoo la lain leu, de lalo lakabubua basa hataholi fo latongo loos ala, nau hataholi malole do hataholi mangalauk boe. Boema mamanak manai feta ka'bing ndia henuk no hataholi a.

MATEOS 22:8

Basa ndia boema nalo na malalau-maoono nala de nafa'das nae, ‘Feta ka'bi nga nanasadia basak so, tehu hataholi nanaka'i kala ta landaa fa.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

HATAHOLI 13:47

Nana Lamatua ka fe ami paleta nde ia. Lamatua ka nae, ‘Au hele basa emi, da'di mangale'dok ba'eneu leoina ta Yahudi la, fo ela emi mini maso'dak fe hataholi daebafa ka lala'ena.’ ”

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.