MATEOS 22:42 - Susula Malalaok Hehelu Palak Ma Hehelu Beuk

⁴² “Emi hahapu ma leo beek la'eneu Mane Mana Fe So'da ka? See tititi-nonosin hataholi Ndia?” Hataholi Farisi la lataa lae, “Dauk tititi-nonosin,”

MATEOS 22:42 ပူးပေါင်းရင်းမြစ်များ

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

MATEOS 1:1

Yesus Kristus momoli-dada'din leo iak: Yesus nde bee na Dauk tititi-nonosin, fo Dauk ia Abraham tititi-nonosin. Ala sulak la Yesus bei-ba'ikai nala, mulai neme Abraham losa Dauk na'de nala nde ia:

MATEOS 14:33

Boema Yesus ana mana tunga nala senek leu mata na de lae, “Te'e-te'e Lamatua ka nde bee na, Manetualain Anan!”

MATEOS 21:9

Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”

MATEOS 22:43

Boema Yesus natanes nae “Metema leondiak,” soona, “hu beek de Manetualain Dula Dale na nakababale Dauk dale na fo noke Mane Mana Fe So'da ka soona nae, ‘Lamatuak’? Nanahu Dauk nafa'da nae,

MATEOS 9:27

Yesus la'o neme ndia mai, de Ana losa eno tala'dak boema, hataholi pokek dua tungan. Duas nggasi lae, “Dauk anan, sue-lai ami dei!”

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

KOLOSE 3:11

Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!