MATEOS 22:4 - Susula Malalaok Hehelu Palak Ma Hehelu Beuk

⁴ Basa boema manek ndia nadenu seluk malalau-maoonon nggelok leu seluk. Nafa'das nae: ‘Meu mafa'da hataholi nanaka'ik sila la mae, nana'a-nininu feta kabi nga nanasadia basak so. Au do'do basa au sapi ngala ma bana-manu neulau ngala so. Basa-basan nanasadiak so de mai leona!’

MATEOS 22:4 ပူးပေါင်းရင်းမြစ်များ

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

AMSAL 15:17

Malole lenak na'a aidoo, tehu na'an sama-sama no susue-lalaik, neme na'a paa mala'da, tehu na'an sama-sama no nakamuu-nakadauk.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

MATEOS 21:36

Tehu dae lamatuak ndia, nadenu seluk malalau-maoonon, de'u lena makasososa kala bai de, leu seluk. Tehu ala beitao taos leondiak boe.

MATEOS 22:5

Tehu hataholi nanaka'ik sila la ala ta taoafik neu fas. Esa-esak neu leondia ue le'din neu. Nggelok leu leo tina leu, ma nggelok leu sanga tali-doik;

MATEOS 22:8

Basa ndia boema nalo na malalau-maoono nala de nafa'das nae, ‘Feta ka'bi nga nanasadia basak so, tehu hataholi nanaka'i kala ta landaa fa.

LUKAS 14:17

Lelek fai na losa soaneu feta mulai boema, hataholi ndia nadenu malalau-maoono nala leu leo basa hataholi nanaka'i kala fo nafa'das nae, ‘Mai leona, te basa-basan nanasadiak so!’

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

HATAHOLI 13:46

Tehu Paulus no Barnabas boetai lapani seluk, de ala kokolak no le'do-le'dok lae, “Memak Manetualain dede'a-kokolan muse nanananduku-nalosak nakahuluk neu emi. Tehu, hu ka nde emi ta nau sipo kana fa de emi nde maketu aom mae, emi ta mandaa sipo so'da matetu ka, ma mana ketu basa ta ka fa. Hu ndia de ami meu lo leoina fe'e kala meu.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?