MATEOS 22:39 - Susula Malalaok Hehelu Palak Ma Hehelu Beuk

³⁹ Paleta kadua, sama leo paleta makasososa ka fo nae: Sue-lai o nonoo hataholi ma sama na leo o sue lai o ao ina ma.

MATEOS 22:39 ပူးပေါင်းရင်းမြစ်များ

IMAMAT 19:18

Boso balas nape'da dalek-ka, ma boso mamanasa hataholi fe'ek, tehu sue-lai emi nonoo hataholim-ma, sama leo emi sue-lai emi aoinam-ma. Au nde Manetualain.

MATEOS 19:19

fe ha'da-holomata neu o inam no amam; ma sue-lai o nonoo hataholi ma sama na leo o sue-lai o ao ina ma mesa kana.”

MATEOS 22:38

Paleta ndia nde da'di paleta makasososak ma beli na seli a!

MARKUS 12:31

Paleta kadua nde: ‘Sue-lai emi nonoo hataholi ma sama leo emi sue-lai emi aoina ma.’ Ta hapu seluk paleta fe'ek ba'ulena paleta kaduak sila la fa.”

ROMA 13:8

Boso mahuta su'di see, hata esa boen, ta'da fe'e huta nasue-nalai ao ka. Nana hataholi manasue-lai nonoo hataholi na, ana tao natetu basa Musa hoholo-lalanen lala'ena.

ROMA 15:2

Nasafali-na, ita esa-esak muse tao tamahoko ita tolanoo na dale na fo nini malole fe tolanook ndia, fo daenga namahehele na boetai natea-nahele.

GALATIA 5:14

Agama hoholo-lalanen lala'ena, isi na nai paleta esa nde ia dalek nae, “Ela leo bee na, o sue-lai o nonoo hataholi ma, sama leo o sue-lai o ao ina ma.”

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

YAKOBIS 2:8

Emi tao-no'i tatao-nono'im malole, metema emi tao tunga hoholo-lalanek fo nanasulak nai Susula Malalaok dale nae leo ia, “Sue-lai o nonoo hataholi ma, sama na leo o sue-lai ao ina ma.”