MATEOS 22:24 - Susula Malalaok Hehelu Palak Ma Hehelu Beuk

²⁴ Boema lafa'da Yesus lae, “Ama Mesen”. Musa nanoli nae leo ia: Metema touk esa maten, tehu ana ta bongi na anak fa, soona tolanoo na, muse sao na ina falu ndia, fo ana bongi fe sao mana maten ndia tititi-nonosik.

MATEOS 22:24 ပူးပေါင်းရင်းမြစ်များ

KEJADIAN 38:11

Basa boema Yehuda nafa'da Tamar fo manafeun ndia nae, “Fali mu'u ma leo o ina-amam uman muu, fo leo meme ndia da'dileo inafalu losa au anang Syela namatua.” Ana nafa'da nae leondia nanahu ana bii boso nalosak neukose Manetualain taonisa Syela boe, sama leo ka'an duas. Boema Tamar fali ne'un leo ina-aman uman neu.

KEJADIAN 38:8

Boema Yehuda nafa'da Onan fo Er fa'di na nae, “Muu leo o ka'a manamatem-ma saon-na muu, fo sungu moon. Taom-matetu o hihii-nanaum soaneun, nana ndia saon-na fa'din-na nde o; no enok ndia, o ka'am-ma bisa hapu tititi-nonosik.”

MATEOS 22:16

Boema ladenu sila ana mana tunga nala lo hataholi de'u bee leme Herodes nakabubua na fo leu leo Yesus leu. Boema hataholi sila la lafa'da Yesus lae, “Ama Mesen, ami bubuluk Ama mana tao ndoos. Ama nanoli no mangale'dok la'eneu Manetualain hihii-nanaun neu hataholi daebafa ka, ma Ama tunga hataholi daebafa ka hahapu na fa. Nanahu Ama ta mete matak fa.

MATEOS 22:25

Hapu hataholi hitu ka'a-fa'di kala. Ala leo hai leme ia so. Ana ulu ka saoana boema maten, tehu ana ta bongi anak fa. Boema tolanoo kadua, muse sao na inafalu ndia.

MATEOS 22:36

“Ama Mesen,” paleta bee ka nde da'di paleta makasososak nai agama hoholo-lalanen dale ka?

MATEOS 7:21

“Ta basa hataholi fo lalo Au lae, ‘Lamatuak, Lamatuak,’ soona ala da'di lima eik neme Manetualain hataholi kamahehele nala mai. Ka'da hataholi fo mana tao tunga Au Amang manai nusa so'da ka hihii-nanaun.

MARKUS 12:19

Boema lafa'da Yesus lae, “Ama Mesen, Musa sulak fe ita hoholo-lalane ka nde ia nae, ‘Metema touk esa maten, te ana ta bongi na fa, soona tolanoo na muse sao na inafalu ndia fo daenga ana bongi fe tolanoo mana maten ndia, tititi-nonosik.’

LUKAS 20:28

“Ama Mesen, Musa sulak hoholo-lalanek ia soaneu ita: Metema touk esa maten te anan ta, soona tolanoo na muse sao na inafalu ndia, fo ela ana bongi fe hataholi manamatek ndia tititi-nonosik.

LUKAS 20:33

Naa, losa faik fo hataholi manamate kala laso'da fali ka, see ka nde sao inak ndia? Nana hataholi kahituk sila la ala sao inak ndia so.”

LUKAS 6:46

“Tao le'e de emi maloo Au mae, ‘Lamatuak, Lamatuak,’ tehu ta tao-no'i hata fo Au afa'dan neu emi a fa?

RUT SUSULAN-NA 1:11

Boema, Naomi nataa nae, “Bosok anang-ngala lemin! Malole lenak fali me'um-ma. Sosoak hata, emi tunga au? Ade au ta bisa bongi seluk anak, fo ana da'di emi saotoum so'on hetu?

RUT SUSULAN-NA 3:13

Le'odaek ia, sungu meme ia. Fo balahaa fafaik soona, neukose au atane hataholi ndia, ade ana nau mete-nakanae o do ta. Metema anan nau soona, malole so. Tehu, metema ana ta nau fa soona, au aheluk pake Manetualain fo maso'dak-ka na'den-na, neukose au sipok mete-nakanaek ndia. Besak ia sungu meme ia losa balahaa fafaik.”

RUT SUSULAN-NA 4:5

Boema Boas nae, “Metema leondiak soona, malole so. Tehu, metema o asa-ma dae ndia neme Naomi mai soona, o boeo muse ho'i-ma Rut, ina Moab fo Naomi ana manamaten-na saon-na. Nana, dae ndia muse da'di hataholi manamatek ndia tititi-nonosin-nala pusakan nahele.”