MATEOS 22:13 - Susula Malalaok Hehelu Palak Ma Hehelu Beuk

¹³ Boema manek ndia nafa'da malalau-maoono nala nae, ‘Pa'a hataholi ia ei liman fo tapan leo deak neu, fo nai mamana makahatu ka. Nai ndia neukose ana hapu ka'da kikiik ma doidoso ka.’ ”

MATEOS 22:13 ပူးပေါင်းရင်းမြစ်များ

MAZMUR 112:10

Hataholi mangalauk-kala litan boema, lamanasa; ala hengu nisin-nala, nanahu ta lahiik lo fan. Boema mopo-mates; mopo sila namahehenan-na losa dodoon-na.

MAZMUR 37:12

Hataholi mangalauk-ka, ana tutu'u hata mangalauk soaneu hataholi malole-a, ma ana meten no nakamuu-nakadauk

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

DANIAL 3:20

Boema nadenu solda'du mabe'i-balakain de'ubee fo ala henge Sadrakh, Mesakh ma Abednego fo tapas leo ha'i manafolokakaak ndia dalek neu.

MATEOS 12:29

Tao leo bee fo, hataholi a hapu masok leo hataholi mabe'i-balakaik esa uman dale neu fo namanako hata-heton, metema ana ta henge nakahuluk hataholi mabe'i-balakaik ndia fa? Basa ndia soona, besa ka namanako na hataholi ndia hata-heton.

MATEOS 13:30

Neme na fo, ala moli lakabubua losa fai ketu-kolu ka soona, de'i fo au afa'da hataholi mana ketu-kolu la, fo ala fe'a lakahuluk fii la, fo ala puputus, basa soona, hotu henis. Basa ndia soona, besa ka lakaduduluk gandu ma la fo tadais leo soka dale neu.’ ”

MATEOS 13:42

nanatu'uk leo la'o mana pila lo'a-lo'a ka dalek leu; fo nai ndia neukose ala kii-makaleleu ma ala doidoso.

MATEOS 13:50

Basa soona, ala tapa hataholi mangalauk sila la leo tasi ha'ik dale neu, fo ala kii-makaleleu ma ala doidoso lai ndia.”

MATEOS 24:51

Soona neukose tua na fepa-li'u nalo'bo malalau-maoono ndia, basa soona ana tapan leo hataholi mana dea-dale kala mamana na neu. Neukose ala kii-makaleleu ma ala doidoso nai naa.”

MATEOS 25:30

Ma malalau-maoono sososa-ndandaa tak ndia, tu'un leo makiu-makahatuk manai deak eli neu. Nai naa, neukose ana kii-makaleleu ma ana doidoso!’ ”

MATEOS 8:12

Te see ko na hataholi fo tunga ndo na ala da'di Manetualain hataholi kamahehele nala, neukose sila nanatapahenik leo makahatuk manai dea ka leu. Nai ndia neukose ala doidoso.”

LUKAS 13:28

Nai lelek emi mita Abraham, Isak, Yakob boema basa nabi la lamahoko-setelee nai Manetualain Daebafa Beu na dale ka, neukose emi kii-makaleleu ma doidoso, nanahu emi nanausiheni basak leo deak meu!

YOHANIS 21:18

Au dede'ang ia tete'e ka la'en; Nai lelek fo o bei muli-solu ma, o kalikee aom o kalikee ma, fo o hii mu leo bee mu soona, o la'o-la'o mesan. Tehu metema neu o fai lasi ma soona, hataholi fe'ek nde kalikee fe o kalikee ma neu, fo ana hela o leo mamanak fo, o ta mahii kana fa.”

HATAHOLI 21:11

Ana mai donge ami boema ana ho'i na Paulus kalikee na, de ana pa'an neu ei liman boema nae, “Manetualain Dula Dale na nafa'da nae, neukose hataholi Yahudi la pa'a kalikee ia lamatua na leoiak nai Yerusalem, fo ala fen leo hataholi ta Yahudi la neu.”

HATAHOLI 7:54

Mana maketu-mala'di matua la lamanene basa hata fo Stefanus nafa'da ka boema, dale nala he'di sa ma lamanasa mangalalau.

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.

2 PETRUS 2:17

Mese pepekok sila la, sama leo oe mata ma'da ka, ma sama leo kode ndenuk fo ani-sangu fuus ala. Manetualain sadia basa sila mamana na nai mamanak esa, makahatuk nanseli.

2 PETRUS 2:4

Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.