MATEOS 21:9 - Susula Malalaok Hehelu Palak Ma Hehelu Beuk

⁹ Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”

MATEOS 21:9 ပူးပေါင်းရင်းမြစ်များ

MAZMUR 148:1

Koa-kio Manetualain leona! Koa-kio Manetualain, hai nusa so'dak-ka, isin-nala lemin! Basa manaleo lai mamana madema, koa-kion leona!

MATEOS 21:10

Boema lelek fo Yesus masok nala kota Yerusale ma dalek, te kota ndia dalek lala'ena, doto-doto, seek-see. Hataholi manai kota ndia, latatane lae, “Te see mana maik ia?”

MATEOS 21:15

Tehu malanga ima mala ma mese agama la lita Yesus tao manda'di beuk sila la boema, lamanasa. Ma lamanasa nai lelek fo lamanene ni'iana la lasanggati lai Manetualain Uman dale lae, “So'dak neu Dauk ana na!”

MATEOS 23:39

Bubuluk leon te, mulai besak ia, neukose emi ta mita Au so'on losa emi mafa'da mae, ‘Nanaba'e-palak ba'eneu Ndia fo Ana mai no Manetualain na'de na.’ ”

MATEOS 9:27

Yesus la'o neme ndia mai, de Ana losa eno tala'dak boema, hataholi pokek dua tungan. Duas nggasi lae, “Dauk anan, sue-lai ami dei!”

LUKAS 13:35

Hu ndia de Manetualain ta nau nok o seluk fa. Bubuluk leona, te mulai besak ia, neukose o ta mita seluk Au losa o mafa'da mae, ‘Nanaba'e-palak neu Ndia fo ana mai no Lamatua ka na'de na.’ ”

LUKAS 2:14

“Koa-kio Manetualain, fo manai lalai mademaina! Ma nai daebafa ka poi na, mole-dame ba'eneu hataholi daebafak, fo mana tao lamahoko Manetualain dale na!”