MATEOS 21:37 - Susula Malalaok Hehelu Palak Ma Hehelu Beuk

³⁷ Neu mate'e na boema, dae lamatuak ndia nadenu ana bongi na neu. Dae lamatuak ndia, ana dodoo nai dalen dale nae, ‘Tao leo bee o, ala fe ha'da-holomata neu au ana nga,’

MATEOS 21:37 ပူးပေါင်းရင်းမြစ်များ

YESAYA 5:4

Au muse tao seluk beek bai, tehu Au beita taon soaneu Au osi angol ndia fa. Tao le'e de, naboa boa makeis, te ta boa malole, sama leo Au amahenak-ka fa?

YEREMIA 36:3

Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

ZEFANYA 3:7

Au dodoo ae, ‘Tao leo bee-o, besak ia, Au anang-ngala fe ha'da-holomata neu Au, ma ala taoafik neu Au hala nabengang lala'en-na. Tao leo bee-o, lafandele, Au fes nanolik-kala.’ Te se'kona ala boetai tao tatao-nono'i mangalauk seluk, lena heni makahulun-na.

MATEOS 21:36

Tehu dae lamatuak ndia, nadenu seluk malalau-maoonon, de'u lena makasososa kala bai de, leu seluk. Tehu ala beitao taos leondiak boe.

MATEOS 21:38

Tehu hataholi mana'a ngga'di la lita dae lamatuak ndia ana na boema, esa kokolak no esa nae, ‘Na, manoo nuu ka, ana mai nde ia so. Tao tisan leona, fo daenga ita hapu pusaka nala!’

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

MARKUS 12:6

Besak ia, osi lamatuak ndia ana haitua seluk see ka neu bai? Bei ela ka'da hataholin esa so, fo nde ana bongi susue na. Da'di, neu mate'e na boema, ana haitua ana susue na neu leo manaso'u bela kala neu. Ana dodoo nai dalen dale nae, ‘Tao leo bee o, neukose ala fe ha'da-holomata neu au anang ndia.’

LUKAS 20:13

Mate'e na boema, osi lamatuak ndia nae, ‘Au muse tao beek bai? Neukose au adenu au ana susue nga neu. Tao leo bee o neukose ala fe ha'da-holomata neun!’

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YOHANIS 1:34

Boema Yohanis nae, “Au ita matang Hataholi ndia, de au afa'da ae, Hataholi ndia nde Manetualain Ana na.”

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.