MATEOS 21:28 - Susula Malalaok Hehelu Palak Ma Hehelu Beuk

²⁸ Yesus kokolak nakandoo nae, “Besak ia emi hahapu ma leo beek la'eneu dede'ak ia? Hapu touk esa ana toun dua. Touk ndia nafa'da ana ulu na nae, ‘Ana ngo nei, faik ia, muu maue-male'di nai osi angol dale.’

MATEOS 21:28 ပူးပေါင်းရင်းမြစ်များ

BILANGAN 10:30

Hobab nataa nae, “Makasi ba'uk-ka, tehu au ahiik fali leo au nggolo-ta'dung-ngu.”

MATEOS 17:25

Boema Petrus nae, “Ana bae!” Lelek Petrus fali ma'in boema, Yesus nabenga nakahulu kana nae, “Simon, o hahapu ma leo beek? See ka nde muse bae bea neu mane daebafak ia la? Lau nala, do hataholi mana mai kala?”

MATEOS 20:1

“Metema Manetualain paleta soona heheo-hihilun sama leo nakandandaak ia: Hataholi maosi angol esa ana kalua fafaik fo neu sanga hataholi soaneu laue-lale'di nai ndia osi angol dale.

MATEOS 21:27

Hu ndia de lataa lae, “Ami ta bubuluk fa.” Boema Yesus nafa'das nae, “Metema leondiak soona, Au boeo ta afa'da emi, no see hak ka de Au tao basa dede'ak sila la fa.”

MATEOS 21:29

Boema ni'iana ndia nataa nae, au ta nau u fa. Tehu basa boema ana dodoo selu kana bai, de ana la'o leo osi ango la neu.

MATEOS 21:33

Boema Yesus nafa'das nae, “Mamanene seluk nakandandaak esa ia bai, dae lamatuak esa, ana sele osi angol esa. Ana pa'a feon, ma ana kali na bolok esa fo ala ka'bi ango la, oe na leo dalek neu, mate'e na, ana tao na lopo naneak esa. Basa ndia boema, ana fe osi angol ndia neu hataholi mana'a ngga'di nala seban, de ana la'o leo nusa fe'ek neu.

MATEOS 22:17

Hu ndia de, So'ba Ama mafa'da su'dik fe ami: Tunga ita agama na nakanenete na, ade bole bae bea leo Kese la neu do ta?”

MARKUS 13:34

Dede'ak ndia lakasasama kana sama leo hataholi esa la'oela uma na, fo neu leo mamanak dook neu. Nadenu malalau-maoono nala lanea uma na, ma ana ba'e fe esa-esak nok ndia bela-ba'un. Ana helu manamanea lelesu fo nanea matalolole.

LUKAS 13:4

Tao leo beek boe no hataholi kasanahulu faluk fo manamatek leme Siloa ma, nai lelek fo uma ndia puni madema na napaluni nalas? Emi maedaenga ndia da'di natutu'duk esa nae, hataholi sila la masala-masingok lenaheni basa hataholi fe'ek fo manaleo leme Yerusalem ma do?

1 KORINTUS 10:15

Au kokolak o emi, sama leo au kokolak hataholi manatee teno kala. Ela leo bee na, emi tai-dodoo aom au hala-kokolang ia.

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.