MATEOS 21:19 - Susula Malalaok Hehelu Palak Ma Hehelu Beuk

¹⁹ Ana mete nita ai kaak huuk esa nai eno ka su'u na. Boema neu leo ai ndia huu na neu te ta nita boak esa boen, te ka'da doo na mesa kana. Boema Ana nafa'da ai ndia nae, “Neukose o ta maboa so'on!” Tuti ka ai kaak ndia male henin.

MATEOS 21:19 ပူးပေါင်းရင်းမြစ်များ

YESAYA 5:2

Ana foi daen-na de ana tu'u heni batun-nala. Ana sele angol nanahehelek neun ana tao lalaa naneak Ana kali-na, bolok esa soaneu mamana hehe'e angon-na, boema nahani boan-na namalatu, tehu angol-la, boan-na makeis.

YEREMIA 8:13

Au ahiik anseli, tao akabubua Au anang-ngala, sama leo hataholi-a, tao nakabubua dae-oen buna-boan. Tehu Au anang-ngala, sama leo ai angol ma ai kaak boa tak-ka, lena-lenak doon-na boeo, male henin so. Hu ndia de, Au fe basa, hataholi nusa dea-la loak, fo ala koasa sila nusan-na so. Au, fo Manetualain nde manakokolak-ka.”

MATEOS 21:20

Nai lelek Yesus ana mana tunga nala lita manda'dik ndia, boema ala dodoo doa kana lanseli, de latane Yesus lae, “Tao le'e de, kaak ndia mate la'iesa kana?”

MARKUS 11:14

Boema Yesus nafa'da ai kak ndia nae, “Mulai besak ia, ta hapu hataholi esa boen, na'a o boa ma so'on!” Yesus ana mana tunga nala lamanene Yesus kokolan ndia.

MARKUS 11:20

Balahaa fafaianak boema, ala la'ok tunga ai kak ndia huu na. Tehu ala mete neu te, ai ndia maten losa oka na so.

LUKAS 3:9

Taka nanasadia basak soaneu lo'oheni ai a huu na, losa oka nala. Basa ai fo ta naboa boa malole fa soona, neukose nanalo'o henik, fo tu'un leo ha'i dale neu.”

YOHANIS 15:2

Ndanak manai Au dale ka, metema ta naboa fa soona, Ana tati henin, boema ndana maboa ka, Ana seselu nanggo'de doo na, fo Ana tao balisin, fo ela boetai naboa ka.

YOHANIS 15:6

Metema see ta da'di esa nahele no Au fa soona, neukose nanatapahenik, sama leo ai ndana ka, fo namatuu. Neukose ala tao lakabubua ai ndanak leo sila kala, fo ala tapas leo ha'i dale neu, fo ala hotuhenis.

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

TITUS 1:16

Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.

NINITAK 22:11

Hataholi manatao tatao-nono'i mangalau ka, neme na fo ana tao mangalauk nakandoo. Hataholi manatao nanggenggeo so'da na, neme na fo ana tao nanggenggeo aoina na; hataholi manatunga Manetualain hihii-nanau na, neme na fo ana tunga Manetualain hihii-nanaun nakandoo, ma hataholi fo naso'da hehelik soaneu Manetualai na, neme na fo naso'da hehelik soaneu Manetualain nakandoo.”