MATEOS 21:15 - Susula Malalaok Hehelu Palak Ma Hehelu Beuk

¹⁵ Tehu malanga ima mala ma mese agama la lita Yesus tao manda'di beuk sila la boema, lamanasa. Ma lamanasa nai lelek fo lamanene ni'iana la lasanggati lai Manetualain Uman dale lae, “So'dak neu Dauk ana na!”

MATEOS 21:15 ပူးပေါင်းရင်းမြစ်များ

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

MATEOS 20:24

Lelek ana mana tunga kasanahulu fe'e nala lamanene dede'ak ndia boema, lamanasa hataholi ka'a fa'di kaduak sila la.

MATEOS 21:23

Basa boema Yesus fali leo Manetualain Uman neu, boema Ana masok leo dalek neu de nanoli neme ndia. Lelek Ana bei nanoli-nanoli te malanga ima mala, ma lasi-lasik Yahudi la ala mai de latanen lae, “O manuu hak beek de O tao basa manda'dik ia la? See ka nde fe hak ndia neu O a?”

MATEOS 21:9

Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”

MATEOS 22:42

“Emi hahapu ma leo beek la'eneu Mane Mana Fe So'da ka? See tititi-nonosin hataholi Ndia?” Hataholi Farisi la lataa lae, “Dauk tititi-nonosin,”

MATEOS 26:3

Ndia te malanga imam ala ma lasi-lasi Yahudi la lakabubua nai Imam Matua Ina Kayafa sa uma mane na.

MATEOS 26:59

Malanga ima mala ma basa mana Maketu Mala'di Agama Matua Ina, ala sanga enok fo ala hapu sakasii pepekok soaneu laketu huku lisa Yesus.

MATEOS 27:1

Fafai anak boema malanga imam ala ma lasi-lasi Yahudi la ho'i nakeketuk, fo tao lisa Yesus.

MATEOS 27:20

Tehu malanga ima mala ma lasi-lasi Yahudi la dudungu-papau lahele hataholi makadotok sila fo loke Pilatus po'i Barabas, ma huku nisa Yesus.

MATEOS 9:27

Yesus la'o neme ndia mai, de Ana losa eno tala'dak boema, hataholi pokek dua tungan. Duas nggasi lae, “Dauk anan, sue-lai ami dei!”

MARKUS 11:18

Malanga ima mala ma mese agama la lamanene Yesus kokolan ndia boema, ala mulai sanga enok fo taolisan. Tehu ala biin, nana basa hataholi la koa-kio nanoli na.

LUKAS 20:1

Nai faik esa boema, Yesus nanoli ma Ana tui-benga Hala Malole maneme Manetualain mai neu hataholi manai Manetualain Uman dale. Malanga ima mala ma mese agama la sama-sama lo lasi-lasi Yahudi la ala mai

LUKAS 22:2

Malanga ima mala ma mese agama la bei sanga enok soaneu taolisa Yesus no denge-dengek, nanahu ala bii hataholi makadoto kala.

LUKAS 22:66

Balahaa fafaik boema, lasi-lasi Yahudi la, malanga ima mala, ma mese agama la lakabubua, boema lo Yesus leo sila Mana Maketu-Mala'di Agama Matua Ina na matan neu.

YOHANIS 11:57

Ala kokolak lae leondia nana, malanga ima mala lo hataholi Farisi la po'i basa paleta lae, hataholi see bubuluk Yesus nai bee soona, muse ana fe sila halak, fo daenga ladenu hataholi neu ho'un.

YOHANIS 12:19

Boema hataholi Farisi la esa nafa'da esa nae, “Ita ta tao talelak hata esa boen! Mitakana dei, te basa daebafa ka lala'ena leu tungan!”

YOHANIS 4:1

Hataholi Farisi la lamanene te Yesus salani hataholi ba'u ka, lenaheni Yohanis. (

YOHANIS 7:42

Nana, nanasulak nai Susula Malalaok dale nae, Mane Mana Fe So'da ka nde bee na, Dauk tititi-nonosin, boema neukose Ana mai neme Dauk nggolo-ta'dun, fo Betlehem dei.”