MATEOS 20:8 - Susula Malalaok Hehelu Palak Ma Hehelu Beuk

⁸ Le'donoso boema osi lamatuak ndia nafa'da malanga mana so'u bela ka nae, ‘Maloo ma basa mana-mana so'u bela kala fo bae ngga'di nala, mulai neme hataholi mana masok makabui ka, losa mana masok makasososa ka.’

MATEOS 20:8 ပူးပေါင်းရင်းမြစ်များ

KEJADIAN 15:2

Tehu Abram nae, “Amak Fo Mademaina, Amak-ka ta fe au anak fa. Hataholi fo, neukose ana hapu au hata-hetong-ngala, ka'da Eliezer, fo au atang-nga neme Damsyik mai. Da'di, sosoak hata, Manetualain fe au ngga'di?”

KEJADIAN 43:19

Hu ndia de, lafa'da malanga uma loo nai deka no Yusuf uma lelesun-na lae,

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

MATEOS 20:7

Boema hataholi sila la lae, ‘Hataholi ta noke ami maue-male'di fa.’ Boema osi lamatuak ndia nae, ‘Metema leondiak soona, meu maue-male'di nai au osi angol dale.’

MATEOS 20:9

Boema mana so'u belak fo mana maue-male'dik neme li'u lima le'donoso na ala mai. Sila esa-esak ana sipo doi isi lilo fulak esa.

MATEOS 25:19

Basa ndia de doo na seli besa ka tuan ndia fali ma'in. Boema nalo na basa malalau-maoono nala de nokes ala leke doi nala.

MATEOS 25:31

“Metema Ana Hataholi ka Ana mai da'dileo Lamatua ka, nonok ata nusa so'da nala soona, nangatuuk neu kandela mandela-masa'an lain,

LUKAS 10:7

Leo mahele meme ka'da uma esa. Ka'da sipo hata fo ala sadia fe emi nai ndia, nana hataholi manamaue-male'di ka, nanuu hak sipo ngga'di na. Boso lali-lali neme uma esa leo uma esa meu.

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

LUKAS 8:3

boeo Yohana, fo Khuza saoina na. Khuza ia, pegawi nai Herodes uma mane na, Susana, ma ina fe'ek ba'u ka seluk bai. Ala tulu-fali Yesus ma ana manatunga nala ninik sila tali-doi mesa nala.

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

ULANGAN 24:15

Tunga faik, fo le'do beita temak fa te, emi muse bae ngga'din faik ndia dalen-na; ana namahena doik ndia, nanahu ana paluun. Metema, emi ta bae ngga'din-na fa soona, neukose ana naloo bou-bou neu Manetualain fo, noke tutulu-fafalik soaneu emi, fo emi da'di hataholi masala-masingok.

TITUS 1:7

Mauli-malanga salani ka nde bee na hataholi mana ito-ato Manetualain tatao-nono'i nala. Hataholi ndia, ta bole masala-masingok fa, ta bole mana koaok, ma ba'unasa, do mana mafuk, do ana hii sanga ka'da natutu-nafepak, do ana tao dale na nai ka'da doi ka.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

1 PETRUS 4:10

Emi esa-esak sipo basa baba'e-babati mata-mata kala neme Manetualain mai so. Hu ndia de, emi da'dileo hataholi mana ito-ato malole neu Manetualain baba'e-babatin sila la, ela leo bee na emi pake baba'e-babatik sila la soaneu emi basa-basa mala paluu ma.

RUT SUSULAN-NA 2:6

Mandool ndia nataa nae, “Ina Moab ndia, besak-ka no Naomi leme nusa Moab-pa mai.