MATEOS 20:14 - Susula Malalaok Hehelu Palak Ma Hehelu Beuk

¹⁴ Naa, sipo ma o ngga'di ma, fo la'o leona. Memak au hii fe hataholi mana masok makabuik sila la ngga'di nala sama leo au fen neu o a boe.

MATEOS 20:14 ပူးပေါင်းရင်းမြစ်များ

2RAJA-RAJA 10:16

ma nae, “Mai tunga, fo sakasii matam, tao leo beek de, au manggate anseli soaneu Manetualain.” Boema, ala sa'e kaleta sama-sama leo Samaria leu.

MATEOS 20:13

Boema osi lamatuak ndia, nafa'da mana maue-male'di sila la esa nae, ‘Tolanoo ei, au ta tao sala o fa. Ade o ta makaheik o ngga'di ma faik esa soona, doi isi lilo fulak esa fa do?

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

MATEOS 6:16

“Metema emi oka ao mala soona, boso fe mata-panam bee male, sama leo hataholi mana dea-dale kala fo mata panan bedae, fo sue ka nde hataholi la litas soona, lae sila oka ao nala. Mafandendelek te, ala sipo la sila ngga'di na nde ndia so.

MATEOS 6:2

Hu ndia de, metema emi tulu-fali hataholi nuu ta kala soona, boso tui kii-konak dede'ak ndia, sama leo hataholi mana dea-dale kala tatao-nono'in. Hataholi matak leo sila kala, ala hii tao leondiak nai uma mamaso kala dalek, ma lai okofoo la lain, fo ela hataholi la koa-kios. Tehu mafandendelek te, ala sipo basa ngga'di nala nde ndia so.

MATEOS 6:6

Tehu metema emi hule-haladoi soona, meu leo kama dale meu, fo kena lelesu a neu, fo hule-haladoi neu emi Amam fo nananita tak ndia. Soona emi Amam fo manai nusa so'da ka, nita emi tatao-nono'i nafunim ndia, de neukose Ana fe emi ngga'di.

LUKAS 15:31

Boema aman nataa nae, ‘Ana ngonei, o mo au tataas esa nai uma. Ma au su'i-beteng lala'ena, o nuum la'iesak sila la.

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.

YOHANIS 17:2

Ama ka fen koasa fo Ana koasa basa hataholi daebafa ka lala'ena, fo ela Ana ka fe maso'da matetu ka ma manaketu basa ta ka neu basa hataholi fo Ama ka fen neu Au a.

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

ROMA 3:4

Tao leo bee o ta! Nana dede'a mangale'do na, Manetualain ndos nahele, leomae basa hataholi daebafa ka masapepekok mesa-mesan. Nai Susula Malalaok dale nanasulak nae, “Ela leo bee na, lita O ndos nai O hala-kokola ma dalek, ma O sengi nai lelek fo laketu-lala'di O.”