MATEOS 2:6 - Susula Malalaok Hehelu Palak Ma Hehelu Beuk

⁶ ‘Hai, basa hataholi manai Betlehem, fo nai nusa Yehuda, Ade o nusa ma, ta nusa anak nanseli fa, Nanahu neme o hataholi mala dalek, neukose mauli-malangan esa, nanabongik, fo nasulu-nahapa Au hataholi Israel ngala.’ ”

MATEOS 2:6 ပူးပေါင်းရင်းမြစ်များ

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

2 SEMUEL 5:2

Neme makahulun eli mai, nakalenak nai lelek Saul bei paleta ami-a, metema solda'du Israel-la leu latee-lata'ti soona, Ama Manek nde nauli-nalangas boe, bai te Manetualain helu basa neu Ama Manek, nae Ama Manek nde neukose nauli-nalanga anan-nala, ma da'di sila manen-na.”

1 TAWARIKH 2:51

Salma fo ana ka dua, nde napadedeik kota Betlehem-ma; ma Haref fo ana ka 3-a, nde napadedeik kota Bet-Gader-ra.

EZRA 2:21

Hataholi fo bei-ba'i kain-nala leo nai kota-kota fo nanasulak nde dae ia, boeo ala fali ma'is leme mamana tu'u-tapak mai: Kota Betlehem – 123 Netofa – 56 Anatot – 128 Asmawet – 42 Kiryat-Arim, Kefira ma Beerot – 743 Rama ma Gaba – 621 Mikhmas – 122 Betel ma Ai – 223 Nebo – 52 Magbis – 156 Elam fe'ek esa – 1.254 Harim – 320 Lot, Hadid, ma Ono – 725 Yerikho – 345 Senaa – 3.630

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

BILANGAN 24:19

Manakoasa esa, neukose to'da mai neme Yakob mai, fo ana tao namopo-namate musun-nala.”

MATEOS 2:1

Bongi Yesus nai kota Betlehem, nai nusa Yudea nai lelek Mane Herode sa paleta. Nai lelek ndia, hapu hataholi malela nduuk telu leme dulu mai fo ala leo Yerusalem leu.

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

YOHANIS 21:16

Yesus natanen neu kala'i dua na nae, “Simon fo Yona anan, ade o sue-lai Au do ta?” Boema Petrus nae, “Tete'e ka, Lamatuak. Lamatua ka bubuluk, au sue-lai Lamatua ka.” Yesus nafa'dan nae, “Makaboboi Au bi'ilopo ngala.”

YOHANIS 7:42

Nana, nanasulak nai Susula Malalaok dale nae, Mane Mana Fe So'da ka nde bee na, Dauk tititi-nonosin, boema neukose Ana mai neme Dauk nggolo-ta'dun, fo Betlehem dei.”

EFESUS 1:22

Manetualai tao basa sila lala'ena lakatele nai Kristus koasa na dae, ma soaneu hataholi kamahehele kala malole na de, Manetualain tao Kristus da'di malangan neu basa hata lala'ena.

KOLOSE 1:18

Kristus nde da'di langak neu ao ka, fo aok ndia salani kala, nanahu Kristus nde da'di salani kala oe mata maso'da na. Ndia nde hataholi makasososak fo Ana fo'a falik neme mamate sa mai, fo sue ka Ndia nde nananita nalelak neme basa hata lala'e na mai.

IBRANI 7:14

Basa hataholi la, ala bubuluk lae ita Lamatua na da'di neme leoana Yehuda mai; ma Musa ta la'iesa fo ana seseik leoanak ndia, nai lelek ana kokolak la'eneu imam-imam mala.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”