MATEOS 2:22 - Susula Malalaok Hehelu Palak Ma Hehelu Beuk

²² Tehu neu makabui na, Yusuf namanene Herodes anamanen Arkelaus da'di manek nggati aman nai nusa Yudea, boema ana bii fali leo Israel neu. Tehu Lamatua ka nafa'da selu kana nai mei'is esa dalek besa ka ana fali leo nusa Galilea neu.

MATEOS 2:22 ပူးပေါင်းရင်းမြစ်များ

MAZMUR 121:8

Ana nanea o, nai lelek o mai, ma o la'o, neme besak ia, losa dodoon-na.

MAZMUR 48:14

Taoafik neu papala nanadaman-na, palisak kota musun-na, fo ela emi hapu tuin neu emi tititi-nonosim mae:

MAZMUR 73:24

O hela-nole au, nenik nanoli-nafa'dak, de makabuin-na, O sipok au no ha'da-holomata.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

MATEOS 1:20

Tehu nai lelek fo Yusuf bei dudu'a-dodoo dede'ak ndia te, nalame'i me'is esa. Nai me'is ndia dalek, nita Lamatua ka ata nusa so'dan esa nafa'dan nae, “Yusuf, fo Dauk tititi-nonosin; Boso bii ka'bing mo Maria; te nailu ni'iana ndia ana da'di neme Manetualain Dula Dale na koasa na mai.

MATEOS 2:1

Bongi Yesus nai kota Betlehem, nai nusa Yudea nai lelek Mane Herode sa paleta. Nai lelek ndia, hapu hataholi malela nduuk telu leme dulu mai fo ala leo Yerusalem leu.

MATEOS 2:19

Mate basa Herodes boema, Lamatua ka ata nusa so'dan esa natu'du ao na neu Yusuf neme Masir nai me'is esa dalek nae,

MATEOS 2:21

Yusuf fo'a boema no falik ni'iana ndia no Maria fali leo Israel leu.

MATEOS 3:13

Ndia te Yesus mai neme Galilea mai de neu leo Lee Yarde na neu. Ana losa boema, neu leo Yohanis neu de noke Yohanis salanin.

LUKAS 2:39

Yusuf ma Maria tao latetu basa hata fo Manetualain Hoholo-lalanen paleta neu sila boema, ala fali le'us leo Nazaret nai Galilea.

YOHANIS 7:52

Boema latanen lae, “Ade o boeo, meme Galilea mai boe do? Palisak Susula Malalao ka dei! Te neukose o bubulu kana nafa'da nae, nabi ta da'di neme Galilea mai fa!” [

SEMUEL SUSULAK-KA ESAN-NA 16:2

Tehu, Semuel nataa nae, “Au muse taon tao leo beek? Metema Saul namanene dede'ak ndia soona, tao leo bee o, ana taonisa au!” Manetualain nataa nae, Pa'a meni sapiana esa, fo mafa'da laun-na mae, o muu leo naa muu, fo tunu-hotu tutunu-hohotuk fe Manetualain.