MATEOS 19:9 - Susula Malalaok Hehelu Palak Ma Hehelu Beuk

⁹ Da'di mamanene dede'a ka nde ia: See elaheni saoina na, te se'ko na inak ndia ta leo-la'ok nasala fa, fo neu makabui na touk ndia sao seluk ina fe'ek soona, touk ndia ana hohonge ndia.”

MATEOS 19:9 ပူးပေါင်းရင်းမြစ်များ

KEJADIAN 20:3

Le'odaek esa boema, Manetualain natu'du aoinan-na neu manek ndia, nai me'is dale, de nafa'da nae, “Neukose mate o, nanahu o ho'i-ma inak ndia so; nana inak ndia masaok so.”

2TAWARIKH 21:11

Lena-lenak, ana napadedeik mamana sosongo-tatangok nai Yehuda nggolo letelepa-na, de ana taon-na Yehuda ma Yerusalem laun-nala lasala-lasingo neu Manetualain.

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

YESKIAL 16:15

Tehu o pake sala, o mata makeem-ma, boema o na'de kaboomenim-ma. Su'di touk see la'ok tunga ndia soona, o sungu moon.

YESKIAL 16:29

Boema, o da'di manasosoa-piaok neu hataholi Babel fo, hataholi manadangan sila. Tehu sila boeo, ala beita tao lamahoko o dalem-ma boen.”

MATEOS 19:10

Boema Yesus ana mana tunga nala lafa'dan lae, “Metema saotou ka ma saoinaka, tututi-nanaton leondiak soona, malole lenak boso sao ana.”

MATEOS 19:8

Boema Yesus nataa nae, “Musa po'i emi maelak mo saoina mala nanahu nanoli doak emi. Tehu tunga ndo na, neme makasososan mai a ta leondiak fa.

MATEOS 5:32

Tehu besak ia, Au afa'da neu emi: metema touk esa ana elaheni saoinana, te see ko na inak ndia ta leo-la'o nasala fa, soona touk ndia nde tao na saoina na ana hohonge, metema inak ndia ana sao seluk. Ma touk see sao na ina maela saok ndia soona, touk ndia boeo ana hohonge ndia boe.”

LUKAS 16:18

See elaheni saoina na boema ana sao seluk ina fe'ek soona, hataholi ndia hohonge. Ma hataholi fo ana sao inak fo nanaelahenik ndia soona, ana hohonge boe.”

1 KORINTUS 5:1

Tunga ndo na, au sipo basa halak lae, nai emi dalek sosoa-piao ka su'diselin, de nalosa emi nggelok hohonge seluk inapala na. Hataholi fo ta nalelak Lamatua ka fa boeo, ana ta tao leondiak fa!

1 KORINTUS 7:39

Ina masaoanak esa, bei nanapa'ak no saotou na nai lelek saotou na bei naso'da. Metema saotou na maten soona, inak ndia bole sao seluk no touk see fo nahii kana; sa'di touk ndia, sila namahehelek esa.

1 KORINTUS 7:4

Saoina ka ana ta paleta aon aoina na fa; manapaleta aoina na nde bee na saotou ka. Leondiak boe, saotou ka ana ta paleta aon aoina na fa; manapaleta aoina na nde bee na saoina na.