MATEOS 19:6 - Susula Malalaok Hehelu Palak Ma Hehelu Beuk

⁶ Da'di duas ta hataholi dua so'on, tehu hataholi esa so. Hu ndia de, hata fo Manetualain tao basan da'di esa soona, hataholi daebafa ka, ta bole binga-ba'e fas.”

MATEOS 19:6 ပူးပေါင်းရင်းမြစ်များ

AMSAL 2:17

Inak ndia nafandele heni hala hehelun neu Manetualain-na, de ana ta lilineka neu saotoun-na fa.

MALEAKHI 2:14

Emi matane mae, tao le'e de, Ana ta nau sipo fan? Hu kande Manetualain bubuluk, emi ta lilineka neu inak fo emi ka'bing moon, nai lelek emi muli-solum-ma. Emi tia-laim inak ndia, nai emi so'dam-ma dalek, tehu emi malelesin, leomae emi helu basa, soaneu lilineka mahele moon, nai Manetualain matan so.

MALEAKHI 2:16

Manetualain Manakoasa, fo Israel Manetualain-na nae, “Au ta hii naelak-ka fa. Au amanasa, metema hataholi esa nai emi dalek, ana tao tatao-nono'i susue-lalai tak ndia, neu saoinan-na. Hu ndia de, manea aoinam-ma, fo boso tao makahehe'dik saoinam-ma dalen-na.”

MATEOS 19:5

Basa ndia boema nafa'da nae, ‘Hu ndia de, tou ka la'oela inan no aman, fo ana dadi esa no saoina na soona duas da'di esa.’

MATEOS 19:7

Boema hataholi Farisi la latanen lae, “Metema leondiak soona, tao le'e de Musa nanoli hataholi la, fo ala fe saoina na susula naelak, fo daenga ana ela henin?”

MARKUS 10:9

Hu ndia de, hata fo Manetualain taos da'di esa soona, hataholi daebafa ka ta hapu ba'e-bati fan!”

ROMA 7:2

Sama na leoina masaok esa. Lelek fo saotou na bei naso'da soona, inak ndia bei naso'da nai hoholo-lalane ka dalek. Tehu metema saotou na maten soona, inak ndia naso'da nai hoholo-lalane ka deak so.

EFESUS 5:28

Leondiak boe, saotou ka muse sue-lai saoina na sama leo ana sue-lai ndia ao paa na. Hataholi mana sue-lai saoina na, sosoa na nae, ana sue-lai ao ina na. (

IBRANI 13:4

Basa hataholi lala'ena, muse latu'du heo-hilu ha'da-holomata soaneu uma lo a, hu ndia de ela leo bee na saotou saoinak, esa lilineka nahele no esa. Hataholi mana sosoa-piao ka ma manahohonge ka, neukose Manetualain naketu-nala'dis.