MATEOS 19:5 - Susula Malalaok Hehelu Palak Ma Hehelu Beuk

⁵ Basa ndia boema nafa'da nae, ‘Hu ndia de, tou ka la'oela inan no aman, fo ana dadi esa no saoina na soona duas da'di esa.’

MATEOS 19:5 ပူးပေါင်းရင်းမြစ်များ

KEJADIAN 34:3

Tehu nahiik nanseli no Dina, nalosa susue ina anafe'on-na tu'da neun, de ana sanga enok, fo ela anafe'oanak ndia susue tou ta'en-na tu'da neu ndia boe.

2 SEMUEL 1:26

Hai au tolanoong Yonatan, au daleng-nga, he'dis nanseli, nana o belim-ma, ba'un-na seli ba'eneu au. O susue-lalaim neu au-a, ba'u nanseli no dale katemak lena heni inak-ka susue-lalain.

1RAJA-RAJA 11:2

Manetualain fe basa paleta nae hataholi Israel-la ta bole sao sese'do-babalik loo leoina sila-la fa, nana neukose hataholi sila tao la hataholi Israel-la sene-do'ok neu lamatua daebafa fe'e kala. Leomae leondiak boe, Salomo kabing no ina nusa dea boe.

MAZMUR 45:10

Hapu manek-ka anafe'on-nala, nai uma manek-ka ata inaanan-nala dalek, Ina manek-ka napadeik nai kandela manek-ka boboan kona no ana pake lilo-henu isik.

MAZMUR 63:8

nana O nde manatulu-fali basa au-a; au akamee no namahokok, nai O li'da susuem-ma dalek.

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.

MATEOS 19:6

Da'di duas ta hataholi dua so'on, tehu hataholi esa so. Hu ndia de, hata fo Manetualain tao basan da'di esa soona, hataholi daebafa ka, ta bole binga-ba'e fas.”

ROMA 12:9

Sue-lai no matetu na. Makamu-makadau tatao-nono'i mangalau ka, ma ho'u mahele tatao-nono'i malole a.

1 KORINTUS 6:16

Do fafa'kama emi beita bubuluk metema hataholi esa sese'do-babalik no hataholi manasosoa-piaok esa soona, duas da'di hataholi esa ndia so! Nana nai Susula Malalaok dale nanasulak nae, “Duas dadi esa.”

1 KORINTUS 7:2

Tehu fo ela ana boso hapu dudungu-papauk soaneu tao dede'ak fo ta kandaa kala, malole lenak tou kala esa-esak masaoinak ma ina kala esa-esak masaotouk.

1 KORINTUS 7:4

Saoina ka ana ta paleta aon aoina na fa; manapaleta aoina na nde bee na saotou ka. Leondiak boe, saotou ka ana ta paleta aon aoina na fa; manapaleta aoina na nde bee na saoina na.

EFESUS 5:31

Nai Susula Malalaok dale nanasulak nae, “Hu ndia de, neukose touk esa, ana la'oela inan no aman fo ana da'di esa no saoina na, fo neukose duas da'di esa.”

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

ULANGAN 11:22

Tunga basa hoholo-lalanek fo, au anduku-alosak-kana neu emi ndia, no dalek-katematuak: Sue-lai emi Manetualaim-ma, ma tao basa hata lala'en fo, Ana paletan neu emi, ma ela leo been-na, emi lilineka mahele neun.

ULANGAN 4:4

Tehu emi fo manalilineka nahele neu emi Manetualaim-ma, bei naso'da losa besak ia.

SEMUEL SUSULAK-KA ESAN-NA 18:1

Saul no Dauk beekola basa boema, Saul so'u Dauk da'di ndia hataholi mana'a ngga'din, de mulai faik ndia boema, ana ta po'in fali leo ina-aman uman neu fa. Yonatan, fo Saul anamanen-na, namanene hala-kokolak sila-la. Dalen-na nahiik no Dauk boe, de ana sue-lain, sama leo ana sue-lai aoinan-na.

SEMUEL SUSULAK-KA ESAN-NA 25:43

Lelek Dauk beita sao Abigail fa, te ana ka'bing basa no Ahinoam, neme Yizreel mai so, de besak ia, Abigail da'di Dauk saoinan boe.