MATEOS 19:27 - Susula Malalaok Hehelu Palak Ma Hehelu Beuk

²⁷ Boema Petrus nae, “Mete dei, te ami la'oela basa ami hata-hetom lala'ena soaneu tunga Ama. De neukose ami hapu beek?”

MATEOS 19:27 ပူးပေါင်းရင်းမြစ်များ

MATEOS 19:26

Yesus nanganalos boema nae, “Soaneu hataholi daebafa ka soona, dede'ak ndia ana ta da'di fa! Tehu ba'eneu Manetualain soona, basa-basas mana da'dik mesan.”

MATEOS 19:28

Yesus nafa'das nae, “Mamahele leona: Nai Daebafa Beu ka dalek, neukose Ana Hataholi ka nangatuuk neu kandela manen fo mandela-masa'a ka lain. Nai lelek ndia emi fo Au ana mana tunga ngala, neukose emi mangatuuk nai kandela mane kasanahulu dua kala lain, fo emi maketu-mala'di leoina Israe la leo ana kasanahulu dua nala!

MATEOS 9:9

Basa boema Yesus la'oela mamanak ndia. Ana la'o-la'o boema nita tou mana susu bea esa, na'de Mateos, nangatuuk nai uma bea dale. Yesus nafa'dan nae, “Mai tunga Au leona!” Boema Mateos fo'a de, neu tunga Yesus.

MARKUS 10:28

Boema Petrus nae, “Mete leona, te ami la'oela basa ami hata-hetom lala'ena, de ami tunga Ama.”

MARKUS 2:14

Yesus bei la'o-la'o nai ndia boema, nita manasusu bea esa na'de Lewi fo Alfeus anan ndia, bei nangatuuk nai uma bea dale. Boema Yesus nafa'dan nae, “Tunga Au leona.” Boema Lewi fo'a napadeik de neu tunga Yesus.

LUKAS 14:33

Mete'ena Yesus nae, “Leondiak boe no emi. Ta hapu hataholi esa boen neme emi mai a, hapu da'di Au ana manatungang, metema ana ta nau feheni maso'da na fa.”

LUKAS 15:29

Tehu ana uluk ndia nae, ‘Tunga teuk au aue-ale'di sota-mate fe ama. Ta la'iesa fo au se'i ama paleta na fa. Tehu ama fe au beek? Bi'ihiik esa boeo, ama beita fe nita au fo au tao feta o au nonoo ngala fa!

LUKAS 18:28

Boema Petrus nae, “Mete leona! Te ami la'oela ami tolanoo ka'a fa'dim soaneu tunga Ama so.”

LUKAS 5:11

Simon no nonoo nala hela ofak sila la leo solokaek lain neu, basa boema ala la'oela basa-basas de leu tunga Yesus.

1 KORINTUS 1:29

No enok ndia fo ta hapu hataholi esa boen, koao-ndaeao nai Manetualain matan.

1 KORINTUS 4:7

See ka nde nakadada'dik emi lenaheni hataholi fe'e kala? Ade basa hata lala'ena, emi ta sipon neme Manetualain mai fa do? Da'di tao le'e de emi nau koao-ndaeao, nono'kabai de hata fo emi manuuk sila la ta hata nanafek sila la fa?

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,