MATEOS 19:26 - Susula Malalaok Hehelu Palak Ma Hehelu Beuk

²⁶ Yesus nanganalos boema nae, “Soaneu hataholi daebafa ka soona, dede'ak ndia ana ta da'di fa! Tehu ba'eneu Manetualain soona, basa-basas mana da'dik mesan.”

MATEOS 19:26 ပူးပေါင်းရင်းမြစ်များ

KEJADIAN 18:14

Ade, hapu hata mateaina ba'eneu Manetualain do? Sama leo na'kasa, Au afa'da basan ae, bei bulak sio seluk bai te, neukose Au fali ma'ing-nga leo ia mai. Te nai lelek ndia, neukose Sara bongi ni'iana touanak esa so.”

1RAJA-RAJA 17:16

Ma sama leo hata fo Manetualain nafa'da basan tunga Elia nae, mango ndia henuk no ha'desopuk tataas esa, ma boto ndia boeo henuk no mina tataas esa.

MAZMUR 3:8

Ou au Manetualain soi-tefa-mala au leona, huku ma to-ma basa au musung-ngala, da'di lu'u eik.

MAZMUR 62:11

Boso mamahena, emi kalo mini bua kakalok-kala, ma boso masalai deam-ma neu bua kakalok sila. Nakalenak, metema emi su'i-betem boetai lamaba'uk-ka soona, boso tao emi dalem-ma neun.

YEREMIA 32:17

“Manetualain Fo Madema ina, O nde makadada'dik lalai-a ma daebafak-ka nenik O koasam-ma, ma O be'i-balakaim fo matuaina ndia. Ta hapu hata esa fo matea ba'eneu O fa.

YEREMIA 32:27

“Au nde been-na Manetualain, fo basa hataholi Manetualain-na. Ta hapu fo matea ba'eneu Au fa.

ZAKHARIA 8:6

Metema, mete dede'ak ndia soona, nono'kabai manada'di tak ba'eneu leoina ia hataholi bei maso'dan-nala, tehu manada'dik ba'eneu Au.

BILANGAN 11:23

Boema Manetualain nataa nae, “Ade Au koasang-nga matoo-lanek do? Neukose no lai-laik o mita, ade Au afa'dak ndia, tete'ek-ka ana da'di do ta!”

MATEOS 19:25

Lelek Yesus ana mana tunga nala lamanene kokolan ndia boema ala dodoo doa kana. Lafa'da Yesus lae, “Metema leondiak soona, see ka nde hapu so'da ka?”

MATEOS 19:27

Boema Petrus nae, “Mete dei, te ami la'oela basa ami hata-hetom lala'ena soaneu tunga Ama. De neukose ami hapu beek?”

MARKUS 10:27

Yesus metes boema nae, “Ba'eneu hataholi daebafa ka soona, dede'ak ndia ana ta da'di fa, tehu ba'eneu Manetualain soona, ana da'di. Ba'eneu Manetualain soona, basa hata lala'ena manda'dik mesa-mesan.”

LUKAS 1:37

Nana ba'eneu Manetualain soona, ta hapu hata fo ana ta da'di fa.”

LUKAS 18:27

Yesus nataa nae, “Fo manda'di tak ba'eneu hataholi daebafa ka, ana da'di ba'eneu Manetualain!”

IBRANI 6:6

Tehu basa ndia soona, ala fali deak! Masa bole hela-nole fali kasa, soaneu tukatei-saledale seluk leme sala-singo nala mai bai. Nana sila bei lona-nggange seluk Manetualain Ana na, ma lakamumulu-lakamamae kana, nai lea matan.

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”