MATEOS 18:13 - Susula Malalaok Hehelu Palak Ma Hehelu Beuk

¹³ Ma metema ana hapu falik bi'ilopo mana mopok ndia soona, mamahele Au leona te, neukose namahoko nanseli soaneu bi'ilopo kisak ndia, ba'u lena bi'ilopo kasiohulu sio mana mopo ta kala.

MATEOS 18:13 ပူးပေါင်းရင်းမြစ်များ

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YESAYA 62:5

Sama leo touana muli-soluk esa, ana ka'bing no, anafe'oana matatema esa, Leondiak boe, o Manamakadada'dim-ma, neukose Ana ka'bing no o. Sama leo manaka'bing touk esa namahoko nita saoinan-na, leondiak neukose Manetualain dalen-na, nandaa no o.

YESKIAL 34:4

Emi ta mafaduli bi'ilopo tapandoes-sala fa, emi ta puli-mamo'do kamahe'dis-sala fa, emi ta sanga manamopok-kala, ma emi ta foo falik manamatofa-matalak-kala fa. Tehu emi taos no balakaik, ma ta pake susue-lalaik fa.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

MATEOS 18:12

Emi hahapu ma leo beek? Leo uni ka hataholi esa bi'ilopon natun esa, boema mopo esa. Neukose hataholi ndia ana tao beek? Mae tao leo bee o neukose ana la'oela bi'ilopo kasiohulu siok sila la, fo neu sanga bi'i mana mopok ndia.

MATEOS 18:14

Leondiak boe emi Amam manai nusa so'da ka, Ana ta nau hataholi esa neme hataholi anak ia la la'ok sala fa.”

1 KORINTUS 13:6

Hataholi manasu-lai hataholi fe'e ka, ana ta hii tatao-nono'i mangalau ka fa, te ana hii ka'da tatao-nono'i malole.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.