MATEOS 18:12 - Susula Malalaok Hehelu Palak Ma Hehelu Beuk

¹² Emi hahapu ma leo beek? Leo uni ka hataholi esa bi'ilopon natun esa, boema mopo esa. Neukose hataholi ndia ana tao beek? Mae tao leo bee o neukose ana la'oela bi'ilopo kasiohulu siok sila la, fo neu sanga bi'i mana mopok ndia.

MATEOS 18:12 ပူးပေါင်းရင်းမြစ်များ

1RAJA-RAJA 21:17

Boema Manetualain nafa'da Elia, fo nabi maneme Tisbe ndia mai nae,

MAZMUR 119:176

Au atofa-asalak leo bi'i lopo manamopokka, de mai fo sanga-ma O atam ia, Hukande au ta la'o ela O paleta ma fa.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.

YESKIAL 34:12

sama leo manafoo esa, ana sanga bi'ilopon-nala, fo ana foo nakabubua manatapasasalak-kala, boema nakabobois. Neukose Au foo falik-kasa leme mamanak fo, nai bee ala tapasasala, nai faik fo nasakoko'a ma makahatuk ndia.

YESKIAL 34:16

Neukose Au sanga manamopok-kala, neukose Au foo falik manasalak-kala, neukose Au poti-palu manamakahinak-kala, neukose Au puli-amo'do kamahe'dis-sala; tehu neukose Au tao amate-amopo maao-la, ma mabe'i-balakaik-kala, nana Au manafoo fo, tao hata fo malole.

YESKIAL 34:28

Neukose leoina fo, ta lalelak Au fa, ta lamanako hata-heton-nala so'on, do bana makaak-kala, kaa fas. Neukose laso'da no tetu-temak, ma ta hapu hataholi nakabibiik-kasa so'on.

YESKIAL 34:4

Emi ta mafaduli bi'ilopo tapandoes-sala fa, emi ta puli-mamo'do kamahe'dis-sala fa, emi ta sanga manamopok-kala, ma emi ta foo falik manamatofa-matalak-kala fa. Tehu emi taos no balakaik, ma ta pake susue-lalaik fa.

YESKIAL 34:6

Hu ndia de, Au bi'ilopong-ngala laleu-lalaak lai pupukuk-kala ma letek-kala poin-na. Ala tapasasala leo basa daebafak-ka lala'en-na leu, te ta hapu hataholi esa boen, fo ana nau taoafik do ana sanga fas.

MATEOS 12:11

Boema Yesus nataa nae, “Leo uni ka, emi hataholim esa, nanuu bi'ilopo esa, Boema bi'ilopo ndia, ana tu'da leo bolo madema esa dalek, la'e fai Sabat; ade hataholi mabi'ik ndia, ana ta sanga enok fo, ana kalua heni bi'in ndia, neme bolok ndia dalek mai fa do?

MATEOS 18:13

Ma metema ana hapu falik bi'ilopo mana mopok ndia soona, mamahele Au leona te, neukose namahoko nanseli soaneu bi'ilopo kisak ndia, ba'u lena bi'ilopo kasiohulu sio mana mopo ta kala.

MATEOS 21:28

Yesus kokolak nakandoo nae, “Besak ia emi hahapu ma leo beek la'eneu dede'ak ia? Hapu touk esa ana toun dua. Touk ndia nafa'da ana ulu na nae, ‘Ana ngo nei, faik ia, muu maue-male'di nai osi angol dale.’

MATEOS 22:42

“Emi hahapu ma leo beek la'eneu Mane Mana Fe So'da ka? See tititi-nonosin hataholi Ndia?” Hataholi Farisi la lataa lae, “Dauk tititi-nonosin,”

1 KORINTUS 10:15

Au kokolak o emi, sama leo au kokolak hataholi manatee teno kala. Ela leo bee na, emi tai-dodoo aom au hala-kokolang ia.

1 PETRUS 2:25

Makahulu na, emi sama leo bi'ilopo mana mopo ka, tehu besak ia, Ana sanga emi de, no falik emi leo Manafoo ma Mana Makaboboi emi samane ma neu so.