MATEOS 17:6 - Susula Malalaok Hehelu Palak Ma Hehelu Beuk

⁶ Lelek fo Yesus ana mana tunga nala lamanene halak ndia, boema ala bii lanseli, de nalosa ala tu'u latotono kala leu dae.

MATEOS 17:6 ပူးပေါင်းရင်းမြစ်များ

1 TAWARIKH 21:16

Dauk nita ata nusa so'dak ndia laa nai lalai n daebafak ka tala'da. No tafaina manai liman-na ndia, ata nusa so'dak ndia naheheleaon soaneu tao namate-namopo Yerusalem. Boema Dauk ma mauli-malangan laun nala, fo nai lelek ndia ala bei pake bua papake lafa lapik fo da'di ta'du-tana sale dalek ka, ala senek leu dae lain.

YESKIAL 3:23

Boema, au u leo bafak dale u, de nai ndia, au ita mangale'dok-ka, nandela-nasa'a, fo natu'du Manetualain mamain-na, sama leo au ita basan neme Lee Kebar-ra su'un-na. Boema, au tu'u atotonokala neu dae lain,

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.

DANIAL 8:17

Boema Gabrial fo napadeik nai au matang-nga ndia, ana mai deka no au. Au bii anseli, nalosa au bala u. Gabrial nafa'da au nae, “Hai hataholi daebafak manasapu-manalalok-konei, o muse bubuluk te, ninitak ndia nde been-na la'eneu tepo-lelek mate'ek-ka.”

IMAMAT 9:24

No kaiboik, Manetualain nakona ha'i mai, de hotu heni tutunu-hohotu nanatunuk-kala, ma paa bibiak mamina manai mei tunu-hotuk lain-na. Lelek hataholi Israel-la litan boema, ala eeki-latadale ma ala sene-do'ok.

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

MATEOS 17:7

Tehu Yesus mai de Ana koi la'es boema nafa'das nae, “Fo'a leona, boso bii!”

HATAHOLI 22:7

Tutika au bala u dae, boema au amanene halak esa nafa'da au nae, ‘Saulus, Saulus! Tao le'e de, o tuni-ndeni Au?’

HATAHOLI 26:14

Tutika ami basa-basa mala bala meu dae lain. Boema au amanene halak esa ana kokolak no au ninik dede'a Ibrani nae, ‘Saulus, Saulus! Tao le'e de, ka'da o tuni-ndeni mahele Au? Neukose o mame'da he'di na, metema o la'ban mahele Ndia fo mana koasa o a.’

2 PETRUS 1:18

Ami mamanene matam halak ndia neme nusa so'da ka mai, nana lelek ndia, ami sama-sama mo Yesus Kristus neme lete malalaok lain.

HAKIM-HAKIM 13:20

Lelek, ha'i pila neme batu tutunu-hohotuk ndia leo lain neu, Manoah no saoinan-na lita Manetualain ata nusa so'dan ndia, ana kae leo lain neu, nai ha'i pilak ndia dalek, leo lala'i neu. Besak-ka Manoah name'da, nae Manetualain ata nusa so'dan ndia; boema no saoinan-na sene-do'ok. Ta lita ata nusa so'dak ndia so'on.

HAKIM-HAKIM 13:22

Boema, Manoah nafa'da saoinan-na nae, “Tao leo bee-o, neukose mate ita, nana ita tita Manetualain so!”