MATEOS 17:20 - Susula Malalaok Hehelu Palak Ma Hehelu Beuk

²⁰ Boema Yesus nafa'das nae, “Hu ka nde emi namahehele ma beita dai fa. Mafandendelek! Metema emi namahehele ma leomae anak nanseli, tehu emi hapu mafa'da pupukuk ia mae, ‘Keko leo eli muu!’ soona tao leo bee o neukose ana keko. Ta hapu hata esa boen, fo emi ta hapu tao mala fan! [

MATEOS 17:20 ပူးပေါင်းရင်းမြစ်များ

MATEOS 13:31

Yesus tui seluk nakandandaak esa neu hataholi makadotok sila la, nae leo ia, “Metema Manetualain paleta soona heheo-hihilun sama na leo nakandandaak ia: Hataholi esa, ana ho'i nini ai sawi de'ek esa de, neu selen leo tinan dale neu.

MATEOS 14:29

Yesus naen nae, “Mai leona.” Boema Petrus kona neme ofak lain mai, de ana la'ok tunga oe lain fo neu leo Yesus neu.

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

MATEOS 17:19

Basa boema ana mana tunga nala mai de latanen lae, “Ama, te tao le'e de, ami ta hapu usiheni dula dale mangalauk ndia fa?”

MATEOS 17:9

Lelek fo ala kona leme letek lain mai, boema Yesus pa'da kasa nae, “Boso mafa'da na'kasa emi mita manda'dik ndia, neu hataholi esa boen, metema Ana Hataholi ka, Ana beita naso'da falik neme mamate sa mai fa.”

MATEOS 21:21

Boema Yesus nafa'das nae, “Tete'e ka, metema emi mamahele, ma emi dale ma ta naba'e fa soona, emi hapu tao malak hata fo leo, besa ka Au tao basan neu kaak ia boe. Ma ta ka'da ndia mesa kana fa, te lena-lenak neukose emi hapu mafa'da pupukuk ia mae, ‘Pupuku ko nei, keko fo masok leo tasi dale muu’; soona dede'ak ndia ana da'di.

MATEOS 8:26

Yesus fo'a boema nafa'das nae, “Te tao le'e de emi bii? Emi kulang namahehelek neu Au!” Basa boema Yesus fo'a napadeik de, nasapala ani na ma dano a. Boema dano a oe na nakamate.

MARKUS 11:22

Boema Yesus nae, “Emi muse mamahele Manetualain.

MARKUS 11:23

Soona mamahele te, metema emi mafa'da lete pupukuk ia mae, ‘O lali meme ia leo tasi dale mu!’ soona ba'eneu emi, dede'ak ndia neukose ana'di; sa'di emi dale ma boso naba'e, ma emi mamahele hata fo emi mafa'dak ndia, neukose anda'di te'e-te'e.

MARKUS 4:31

Makanaema Manetualain paleta soona, heheo-hihilun sama leo nakandandaak ia: Hataholi esa ho'i na ai sawi de'ek esa fo ana selen leo dae dale neu. Ai de'e sawi ndia nde bee na, bini ngge kome'do ana nai daebafa ka.

MARKUS 9:23

Boema Yesus naen nae, “O mae le'e? O mae, metema Ama hapu? Hata lala'ena ana da'di, sa'di hataholi a namahele!”

LUKAS 1:37

Nana ba'eneu Manetualain soona, ta hapu hata fo ana ta da'di fa.”

LUKAS 17:6

Boema Lamatua ka nataa nae, “Metema emi manuu namahehelek ba'u ai sawi de'e ka soona, emi hapu mafa'da aihu matuaina ia mae, ‘O nanafe'ahenik leona, fo nanaselek nai tasi dale, soona tao leo bee o aihu matuaina ndia neukose ana tunga emi paleta ma.’ ”

LUKAS 18:27

Yesus nataa nae, “Fo manda'di tak ba'eneu hataholi daebafa ka, ana da'di ba'eneu Manetualain!”

YOHANIS 11:40

Tehu Yesus nafa'da Marta nae, “Ade Au beita afa'da hai o ae: Metema o mamahele soona, neukose o mita Manetualain koasa matuaina fa do!”

1 KORINTUS 12:9

Dula Dalek fo sama ndia boeo, ana fe be'i-balakai matuaina neu hataholi esa fo namahele Kristus. Tehu neu fe'e kala seluk bai soona, Dula Dalek ndia fes koasa fo lakahahaik hataholi.

1 KORINTUS 13:2

Leomae au tui-benga alelak Manetualain dede'a-kokolan ma au alelak basa dede'a nanabibila-babaa kala, ma au bubuluk basa hata lala'ena, boema au amahele anseli neu Manetualain, nalosa au adenu lete kala fo ala keko, tehu au ta sue-lai hataholi fe'ek fa soona, basa sila la sosoa-ndandaan ta.

IBRANI 3:19

Besak ia ita talelak, tae sila ta hapu masok fa, nana ta lamahele neu Manetualain fa.