MATEOS 16:28 - Susula Malalaok Hehelu Palak Ma Hehelu Beuk

²⁸ Bubuluk leona! Te nai emi manai ia la dalek, hapu nggelok ta mate fa, metema ana beita nita Ana Hataholi ka fali ma'in da'dileo Mane ka.”

MATEOS 16:28 ပူးပေါင်းရင်းမြစ်များ

MATEOS 10:23

Makanaema ala fepa-li'u emi nai kota esa soona, malai leo kota fe'ek meu. Au afa'da emi te: emi beita meu donge-dama mafeo basa kota-kota manai Israe la boen te, Ana Hataholi ka ana mai so.

MATEOS 16:13

Basa ndia boema, Yesus neu leo nusak mana dekak no Kaisarea Filipi neu. Ala losa naa boema natane ana mana tunga nala nae, “Tunga hataholi la hala nafafa'da na, Ana Hataholi ka, see ndia?”

MATEOS 24:3

Basa boema Yesus neu leo pupuku Setu na neu, de Ana bei nangatuuk te ana mana tunga nala mai fo ala kokolak lon mesa kana lae, “Mafa'da fe ami, faihi'da basa sila la neukose ala da'di, ta'du-tana bee ka nde natu'du Ama ka mamai na, ma le'do-fai mate'e ka?”

MATEOS 24:34

Bubuluk leona! Te hataholi maso'dak besak ia la beita mate fas, te basa dede'ak sila la ala da'di so.

MATEOS 24:42

Da'di manea leona, nana emi ta bubuluk faihi'da fo neukose emi Lamatua ma Ana mai fa.

MATEOS 26:64

Boema Yesus nataa nae, “O nde mafa'da mae leondia. Tehu mamahele leona: te mulai hatematak ia, neukose emi mita Ana Hataholi ka nangatuuk nai Manetualain fo Mana Koasa boboa kona na, boema Ana mai nai ko'as lain nai lalai!”

MATEOS 8:20

Boema Yesus nataa nae, “Busa fui boeo mabolok, ma manupui mandunuk, tehu Ana Hataholi ka mamanan ta soaneu nakalololik ao na.”

MARKUS 13:26

Nai lelek ndia, neukose Ana Hataholi ka Ana mai nai ko'as dale no koasa matuaina na, ma mandela-masa'an.

MARKUS 8:38

Makanaema hataholi esa ana mae manaku Au ma Au nanoli nga nai le'do fai malenalanga-masa'basok ma mangalauk ia soona, Ana Hataholi ka boeo, neukose Ana mae manaku hataholi ndia nai lelek fo Ana Hataholi ka Ana mai no Aman koasa na, ma no ata nusa so'dak malalao nala.”

MARKUS 9:1

Boema Yesus nae, “Bubuluk leona! Te nai emi basa-basam manai ia la, hapu nggelok beita mate fa, metema beita nita Manetualain paleta ninik koasa na!”

LUKAS 18:8

Mamahele leona! Te neukose no lai-laik, nasala'e dede'a nala! Tehu metema Ana Hataholi ka mai soona, ade bei natongo no hataholi fo namahele neun nai daebafak ia do ta?”

LUKAS 2:26

ma Manetualain Dula Dale na nafa'da basan nae, ana beita mate fa, metema beita nita Mane Mana Fe So'dak fo Manetualain helu ka.

LUKAS 9:27

Bubuluk leona: te nai emi manai ia la dalek, hapu nggelok neukose ta mate fa, metema beita lita Manetualain paleta fa.”

YOHANIS 21:22

Boema Yesus naen nae, “Leo uni ka, Au nau naso'da nahele losa Au fali ma'i nga o, o ito atom ta ndia fa. Tehu o soona, tunga Au leona!”

YOHANIS 8:51

Au dede'ang ia, tete'e ka la'en. Hataholi manatunga Au dede'a-kokola nga, neukose ana ta mate losa dodoo na fa.”

YOHANIS 8:52

Boema hataholi Yahudi la lafa'da Yesus lae, “Besak ia ami bubuluk tete'e ka, O ia hataholi nitu sa'ek! Abraham no nabi la mate basas so. Tehu O mafa'da mae, ‘Hataholi manatunga O dede'a-kokola ma, neukose ana ta mate losa dodoo na fa.’

HATAHOLI 1:11

boema lafa'das lae, “Hai, hataholi Galilea la lemin, tao le'e de emi mapadeik meu ndia de emi manganalo leo lalai meu? Yesus fo emi mitan nanaso'uk leo nusa so'da ka neme emi matam mai ndia, neukose Ana fali ma'i selu kana leondiak, sama leo na'ka sa emi mitan ndia boe.”

1 KORINTUS 15:23

Tehu neukose esa-esak nanatao naso'da falik tunga ndia baba'e na: makasososa na Kristus; basa boema mahani te nai lelek Ana mai selu ka, hataholi-hataholi fo nanalekek Kristus nuu nala, tunga esa-esak baba'en.

1 TESALONIKA 1:10

Boeo ala kokolak la'eneu, tao leo beek de, emi tao emi mamahehena ma neu Manetualain Ana na mamain neme nusa so'da ka mai, fo nde Yesus, fo Manetualain tao naso'da fali kana, neme mamate sa mai so. Yesus ndia boeo, nde soi-tefa nala ita teme Manetualain nasa melun, nai fai mana mai ka.

IBRANI 2:9

Tehu ita tita basa Yesus koasa so! Ndia nananakadada'dik nai ata nusa so'da kala dae faa anak, soaneu fai keke'u anak esa mesa kana, fo ela no Manetualain dale malole na, fo Ana hapu mate soaneu basa hataholi daebafa ka lala'ena. Besak ia, ita tita Manetualain fen nangatutuu mandela-masa'ak, ma nanafe ha'da-holomata, nanahu Ana doidoso basa losa maten.

YAKOBIS 5:7

Hu ndia, tolano-tolanoo ngala lemin! Boso haelai mamanasa losa Lamatua ka fai mamai na. Mete mitak hataholi mana tao tina osi esa, nahani losa dae oen nini fen buna boa kabelik. Ana ta haelai namanasa fa, te nahani nahele u'da oe faa ka ma u'da oe timu a.

2 PETRUS 1:16

Nai lelek fo ami mafa'da emi, ita Lamatuan Yesus Kristus, Ana mai no matua-mademan ndia, ami ta mamahena neu hataholi daebafa ka, tutui masapepeko nala ndia fa. Kristus matua-mademan ndia, ami mita matam so.

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.