MATEOS 16:18 - Susula Malalaok Hehelu Palak Ma Hehelu Beuk

¹⁸ Hu ndia de bubuluk leona te, O nde bee na Petrus, fo batu matea-mahelek. Nai batu netes ndia lain, nde neukose Au apadedeik Au mamaso nga, fo ta hapu sengi fan, leomae mamate sa boe!

MATEOS 16:18 ပူးပေါင်းရင်းမြစ်များ

KEJADIAN 22:17

Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala.

2 SEMUEL 18:4

Boema manek-ka nae, “Hei, sa'di neme emi mai.” Basa boema, napadeik neu kota lelesuinan-na boboan-na, boema basa solda'du-la lala'en-na la'ok lakadadalak leo deak mai, nai bubuak-kala dalek, de bubuak esa soona, solda'du lifun esa, ma bubuak nggelok natun esa.

AYUB 38:17

Hapu hataholi natu'du hai o, lelesuina manai bolo mamates, fo makahatu kiu-kiuina, matan-na so do beik?

MAZMUR 107:18

Ala malua basa nana'ak lala'ena, mamaten-nala deka so

MAZMUR 127:5

Maua-manalek ba'eneu hataholi fo, ana sadia kokou isik leondiak-ka! Neukose ana ta kala, nai lelek nasasalematak no musu-a nai uma manakee-manafula.

MAZMUR 129:2

“Musu-a fepa-li'u au, neme lelek au muli-solung-nga mai, tehu, ala ta hapu sengi au fa;

MAZMUR 69:12

Au pake si'di kalong, fo da'di ta'du-tana manasusak, tehu ala kokolak holo au.

MAZMUR 9:13

Nana nafandele neu hataholi manadoi-dosok-ka ma ta nafandele heni, hoo-nggu'un-nala fa. Ana huku, hataholi fo manatao no laka-nakasetik.

AMSAL 24:7

Hataholi nggoak-ka, ta nalelak matalolole manatee-tenok-ka fa. Metema, hataholi kokolak dede'a nanapaluuk nanseli soona, bafan poo-poo.

YESAYA 28:16

Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’

YESAYA 28:6

Neukose Manetualain fe ndoos ma matetuk-ka neu basa manakee-manafula-la, ma napalanik neu hataholi fo, manahapu bela-ba'uk fo lanea kota neme musu mamain-na.

YESAYA 38:10

“Au afa'da ae, Au teunga besak-ka ba'e duak te, au muse la'o, fo au akababasak au maso'dang fo bei elak-ka, nai hataholi manamatek-kala daebafan-na.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

YUNUS 2:6

Au palaboku losa letek-kala huun-na, leo mamanak fo lelesuinan-na nananggoek losa tepo-lelek mate'ek-ka. Au samane nga sota-mangu nai au aoinang dale boema au afandele de au aloo bou-bou neu O. Boema au hule-haladoing losa O, leo O Uma malalao-malalafum-ma dalek neu. Boema O so'u-ma au neme tasi dale mai, ou Manetualain, fo au Manetualaing-nga!

MATEOS 10:2

Ana mana tunga kasanahulu duak sila la, na'de nala nde ia: makasososa na, Simon fo loken lae Petrus boe no tolanoon Anderias, boema Yakobis no tolanoon Yohanis, fo Zebedeus ana nala.

MATEOS 11:23

Ma ba'eneu kota Kapernaum no hataholi nala! Ade neukose emi nanaso'u namademak losa nusa so'da ka do? Neukose ta hetu! Te neukose emi nanatu'u henik leo tasi ha'ik dale meu! Nanahu leo uni ka, manda'di beuk fo nanataok neme emi tala'da ndia, nanataok neme Sodom, fo kota ndia, bei hapun nai daebafa ka losa besak ia!

MATEOS 18:17

Metema ana ta nau sipok hataholi sila la nanoli-nafa'dan fa soona, mafa'da dede'ak ndia neu salani kala. Mate'e na metema ana ta nau sipok salani kala nanoli-nafa'dan sila la fa soona, bole tafa'da tae hataholi ndia sama leo hataholi mana susu bea do hataholi fo ta nalelak Manetualai na fa.”

MATEOS 4:18

Lelek fo Yesus la'o-la'o neme Dano Galilea su'u na, boema nita mana dolu-dala dua; esa na'de Simon, fo loken lae, Petrus boe, no fa'din Anderias. Duas dala i'ak leme dano dale.

MATEOS 7:24

“Naa, ba'eneu see fo namanene Au dede'a-kokolang ia boema ana tao tungan, soona hataholi ndia sama na leo hataholi malela ka napadedeik uma na nai batu lain.

YOHANIS 1:42

Boema Anderias no Simon leu leo Yesus leu. Yesus mete tetee Simon boema nafa'dan nae, “O Simon, Yona anan. Neukose loke o soona lae, Kefas.” (Kefas sama leo Petrus, fo sosoa na nae, lete batu.)

HATAHOLI 2:47

Ala koa-kio Manetualain tataas esa, de nalosa basa hataholi la dale na loa-loak mesan los. Hu ndia de, tunga faik hapu hataholi mana tukatei-saledale kala boetai lamba'u ka, de nalosa hataholi kamahehele kala, dede'u nala boetai tama lakandoo.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

HATAHOLI 8:1

Ma Saulus sipok kanisak ndia no namahokok boe. Faik ndia dale na boe, ala usi salanik manai Yerusalem-mala, de nalosa hataholi kamahehele kala lalai tapasasala leo basa nusa Yudea no Samaria lala'ena leu, ta'da fe'e Lamatua ka hataholi nadedenu nala soona, ta lalai fa.

1 KORINTUS 15:55

“Hai mamates, o sesengi ma nai bee? Hai mamates, o made'de ma nai bee?”

GALATIA 2:9

Yakobis, Petrus, ma Yohanis, fo meten soona, ala da'di mauli-malanga hataholi kamahehele kala boeo, ala manaku lae, Manetualain fe au bela ba'u hehelik ia boe. Boema laho'u limak lo Barnabas ma au, fo da'dileo ta'du-tana tia-laik esa. Boema sila lo ami mala halak esa mae, ami tao-no'i nai hataholi ta Yahudi la dalek, ma sila tao-no'i nai hataholi Yahudi la dalek.

EFESUS 3:10

Manetualain dudu'a na nde bee na, fo ela besak ia, tunga hataholi kamahehele kala, de basa mana ho'u koasa manai lalai ma daebafa ka, ala bubuluk Manetualain manatee teno na, nai basa hata mata-matak lala'e na dalek.

EFESUS 5:32

Lalanek nananafa'dak ndia, sosoa-ndandaan dema na seli. De au akasasamak dede'ak ndia no Kristus tututi-nanaton no hataholi kamahehele kala.

KOLOSE 1:18

Kristus nde da'di langak neu ao ka, fo aok ndia salani kala, nanahu Kristus nde da'di salani kala oe mata maso'da na. Ndia nde hataholi makasososak fo Ana fo'a falik neme mamate sa mai, fo sue ka Ndia nde nananita nalelak neme basa hata lala'e na mai.

1 TIMOTIUS 3:15

fo ela metema, au bei akamama'ak au nene'i nga boeo, o bubuluk basa tao leo beek fo, ita muse taso'da sama leo Manetualain tei dalen, fo nde Manetualain hataholi kamahehelen fo maso'dak. Salanik leondia ka nde, sama na leo dii mana tia-to'bak esa, fo ana tia-to'ba nahele Manetualain nanoli ndo nala.

1 TIMOTIUS 3:5

Nana metema hataholi esa, ta ito-ato nalelak uma loon fa soona, neme bee mai a, ana hapu ito-ato nalelak Manetualain hataholi kamahehele nala?

IBRANI 12:28

Hu ndia de ela leo bee na, ita toke makasi neu Manetualain, nanahu Ana fe ita nusak esa ta nanggengo fa. Ela leo bee na, ita toke makasi ma sene-do'ok neu Manetualain no ha'da-holomata ma bibii-namata'uk, tunga enok fo mesa kana nahii kana.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 21:14

Tembo kota ndia nananafofo'ak nai batu netes sanahulu dua lain. Nai batu netes sila la lain, nanasulak Bi'ilopo Ana ndia hataholi nadedenu kasanahulu dua nala na'de nala.