MATEOS 16:16 - Susula Malalaok Hehelu Palak Ma Hehelu Beuk

¹⁶ Simon Petrus nae, “Ama nde Mane Mana Fe So'da ka, ma Manetualain Anan fo Maso'da ka.”

MATEOS 16:16 ပူးပေါင်းရင်းမြစ်များ

MAZMUR 2:7

Manek-ka nae, “Au sanga po'a-benga, hata fo Manetualain naketu basan so. Nafa'da au nae, ‘Au ana maneng O, de faik ia, Au da'di O Amam.

MAZMUR 42:2

Sama leo nusa nahiik oe lee-a, leondiak boe au samaneng-nga nahiik O, ou Manetualain.

DANIAL 6:26

Basa ndia boema, mane Darius-sa haitua susulak leo hataholi maleme leoina ma dede'ak manai daebafak-ka lala'en-na nae, “So'da molek!

MATEOS 14:33

Boema Yesus ana mana tunga nala senek leu mata na de lae, “Te'e-te'e Lamatua ka nde bee na, Manetualain Anan!”

MATEOS 16:15

Boema Yesus natane ana mana tunga nala nae, “Tehu tunga emi hahapu ma, Au ia see?”

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

MATEOS 27:54

Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

MATEOS 4:3

Boema nitu mai de nafa'dan nae, “Manetualain Anan O hetu? Naa, madenu batu ia la da'di loti leona.”

MARKUS 14:61

Tehu Yesus ka'da denge-denge. Ta nataa makandondook fa. Boema imam matuaina natane la'iesa selu kana nae, “Ade O nde Mane Mana Fe So'dak, fo Manetualain Malalao-Malalafu ka, Ana na do?”

LUKAS 2:11

Faik ia nai Dauk kota na, bongi basa Mane Mana Fe So'da ka, fo nde Kristus fo Lamatua ka so.

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 11:27

Boema Marta nae, “Lamatuak, au amahele Lamatua ka Manetualain Anan, fo Manek Mana Fe So'da ka neukose Ana mai leo daebafak ia mai.”

YOHANIS 20:31

Tehu ala sulak basa ia la, fo daenga ela emi mamahele mae, Yesus nde been-na Mane Mana Fe So'dak fo Manetualain Anan, boema hu ka nde emi mamahelen, de emi hapu maso'da ka.

YOHANIS 6:57

Amak fo maso'dak ndia nadenu Au, ma Au boeo aso'da eme Ama ka mai. Leondiak boe, hataholi fo na'a Au ao paa nga, neukose naso'da neme Au a mai.

YOHANIS 6:68

Boema Simon Petrus nae, “Lamatuak, ami meu leo see meu bai? Nanahu Manetualain dede'a-kokolan nini maso'da matetuk ma manaketu basa ta ka,

YOHANIS 6:69

hu ndia de ami mamahele so, boema ami mamahele Lamatua ka nde hataholi malalaok fo Manetualain nadenun mai leo daebafa ka mai a.”

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

HATAHOLI 8:36

Ala losa mamanak esa nai eno tala'dak boema hapu oe nai ndia. Boema pegawi matua-madema ndia nafa'da Felipus nae, “Mitak oe a nde ndia so! Bei kulang beek seluk bai soaneu salani au?”

HATAHOLI 8:37

Boema Felipus nae, “Metema Tuan namahele no dale katematuak soona, bole salani Tuan leona.” Boema pegawi matua-madema Etiopia ndia nae, “Au amahele Yesus Kristus nde bee na Manetualain Anan.”

HATAHOLI 9:20

Tutika neu leo uma mamaso kala de ana mulai tui-benga nae, Yesus ndia nde bee na Manetualain Anan.

ROMA 1:4

tehu tunga Dula Dale ka soona, Manetualain Anan Yesus Kristus ndia. Fo ta'du-tanan nde, no Manetualain koasa matuaina na de, naso'da falik neme mamate sa mai.

2 KORINTUS 1:19

Nanahu Yesus Kristus fo Manetualain Anan, fo nananafa'dak neu emi neme Silas, Timotius ma neme au a, ta nde hataholi fo “Hei” ma “Ta.” Nasafali na, Ndia nde bee na natataa “Hei”, neme Manetualain mai.

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

ULANGAN 5:26

Hapu mate hai hataholi daebafak esa, nai lelek Manetualain fo maso'dak-ka, Ana kokolak neme ha'i dale mai so do?

1 TESALONIKA 1:9

Basa hataholi sila la, ala kokolak la'eneu tao leo beek de, emi sipok ami nai lelek fo makahulu na, ami ne'i ndia. Ala kokolak la'eneu, tao lo beek de, emi tu'u-tapa heni emi sosongo-tatangom de emi mai leo Manetualain fo kisak ma maso'dak ndia, de emi sene-do'ok neun.

1 TIMOTIUS 3:15

fo ela metema, au bei akamama'ak au nene'i nga boeo, o bubuluk basa tao leo beek fo, ita muse taso'da sama leo Manetualain tei dalen, fo nde Manetualain hataholi kamahehelen fo maso'dak. Salanik leondia ka nde, sama na leo dii mana tia-to'bak esa, fo ana tia-to'ba nahele Manetualain nanoli ndo nala.

1 TIMOTIUS 4:10

Hu ndia de, ita sanga enok ma ita puselaipana no tatao-nono'i ka, nana ita tamahena neu Manetualain fo maso'dak ndia; Ndia nde tao naso'da basa hataholi lala'ena, nakalenak ba'eneu hataholi kamahehele kala.

IBRANI 10:31

Bibii namata'u matua ina, metema ana tu'da leo Manetualain Fo Maso'da ka liman dale neu!

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

IBRANI 3:12

Tolano-tolanoo ngala lemin! Masanene'dak, fo boso nalosak nai emi dalek, hapu hataholi esa dale na mangalauk ma namahehelen ta, nalosa ana fali deak ma nadook ao ina na neme Manetualain fo maso'da ka!

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.

1 YOHANIS 4:15

Ba'eneu see fo ana sipok Yesus ndia nde been-na Manetualain Anan soona, Manetualain naso'da no hataholi ndia, ma hataholi ndia boeo, naso'da no Manetualain.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

1 YOHANIS 5:5

See ka nde sengi daebafa ka? Ka'da hataholi fo namahele, Yesus nde bee na Manetualain Ana na, ndia nde sengi daebafa ka.

NINITAK 7:2

Boema au ita ata nusa so'da fe'ek esa, ana to'da neme dulu mai. Nini segel neme Manetualain fo maso'da ka mai. No hala napane'ek, ata nusa so'dak ndia nalo ata nusa so'da kahak fo manahapu koasa neme Manetualain mai, soaneu tao lalutu dae ma'da ka ma tasi a.