MATEOS 16:13 - Susula Malalaok Hehelu Palak Ma Hehelu Beuk

¹³ Basa ndia boema, Yesus neu leo nusak mana dekak no Kaisarea Filipi neu. Ala losa naa boema natane ana mana tunga nala nae, “Tunga hataholi la hala nafafa'da na, Ana Hataholi ka, see ndia?”

MATEOS 16:13 ပူးပေါင်းရင်းမြစ်များ

DANIAL 7:13

Nai au ninitang le'odaen ndia, au ita hata esa sama leo hataholi daebafak-ka. Ana mai no ko'as-sa okofeo-na, boema neu leo Ndia fo so'dan-na manaketu basa taak-ka neu, fo nalelelaok non.

MATEOS 12:32

Metema hataholi a, ana kokolak dede'ak esa, fo ana lena-la'ban Ana Hataholi ka soona, ana hapu do'o do ampon, tehu metema nakamumulu-nakamamaek Manetualain Dula Dale na soona, ana ta hapu do'o do ampon fa, nau nai besak ia do nai fai mate'e ka boe!”

MATEOS 12:40

Yunus leo lele'dok telu le'odaek telu neme i'a matua ina tein dale. Leondiak boe, Ana Hataholi ka, neukose Ana leo lele'dok telu le'o daek telu nai dae dale.

MATEOS 12:8

Nanahu Ana Hataholi ka nde koasa fai Saba ta.”

MATEOS 13:37

Boema Yesus nataa nae, “Hataholi mana sele-nggali bini-ngge malole ndia, nde Ana Hataholi ka.

MATEOS 13:41

Ana Hataholi ka neukose nadenu ata nusa so'da nala, fo laloo lakabubua basa Manetualain hataholi kamahehelen, fo manini sala-singok fe hataholi fe'e kala ma basa hataholi mana tao tatao-nono'i mangalau kala,

MATEOS 15:21

Basa boema, Yesus la'oela mamanak ndia, de neu leo nusak mana deka no kota Tirus ma kota Sidon a neu.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

MATEOS 16:28

Bubuluk leona! Te nai emi manai ia la dalek, hapu nggelok ta mate fa, metema ana beita nita Ana Hataholi ka fali ma'in da'dileo Mane ka.”

MATEOS 25:31

“Metema Ana Hataholi ka Ana mai da'dileo Lamatua ka, nonok ata nusa so'da nala soona, nangatuuk neu kandela mandela-masa'an lain,

MATEOS 8:20

Boema Yesus nataa nae, “Busa fui boeo mabolok, ma manupui mandunuk, tehu Ana Hataholi ka mamanan ta soaneu nakalololik ao na.”

MATEOS 9:6

Tehu besak ia neukose Au fe emi buti esa nae, nai daebafa ka Ana Hataholi ka nanuu koasa fe do'o do ampon neu sala-singo ka.” Boema Yesus nafa'da hataholi lu'uk ndia nae, “Fo'a fo ho'i ma o ne'a ma fo fali mu'u ma leona!”

MARKUS 10:45

Nana Ana Hataholi ka boeo, Ana ta mai soaneu lalalau-laoono fan. Te Ana mai soaneu nalalau-naoono, ma soaneu Ana feheni so'da na, soaneu Ana soi-po'i hataholi ba'u.”

MARKUS 8:38

Makanaema hataholi esa ana mae manaku Au ma Au nanoli nga nai le'do fai malenalanga-masa'basok ma mangalauk ia soona, Ana Hataholi ka boeo, neukose Ana mae manaku hataholi ndia nai lelek fo Ana Hataholi ka Ana mai no Aman koasa na, ma no ata nusa so'dak malalao nala.”

YOHANIS 1:51

Yesus nafa'dan boe nae, “Tete'e ka, mamahele leona te neukose o mita lalai natahuka, fo o mita Manetualain ata nusa so'da nala, ala kona kae leo Ana Hataholi ka mai.”

YOHANIS 12:34

Boema hataholi makadotok sila la lafa'dan lae, “Tunga ami Susula Hoholo-lalane ma nafa'da na soona, Mane Mana Fe So'da ka neukose naso'da losa dodoo na. Naa, tao leo beek de O mafa'da mae, Ana Hataholi ka muse nananamatutua-namadedemak nai daebafak ia poi na? See Ana Hataholik ndia?”

YOHANIS 3:14

Sama na leo Musa nakasasa'ek menge liti neu ai ndanak esa lain, neme mo maloa, leondiak boe, Ana Hataholi ka muse nanaso'uk,

YOHANIS 5:27

Ana fe basa Ana na hak fo naketu-nala'di, nana Anan ndia nde Ana Hataholi ka.

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 7:56

Boema Stefanus nae, “Mitak! Au ita nusa so'da ka natahuka de au ita Ana Hataholi ka napadeik nai Manetualain boboa kona na!”