MATEOS 15:11 - Susula Malalaok Hehelu Palak Ma Hehelu Beuk

¹¹ Fo mana masok leo bafak dale neu a, ta tao na hataholi a nanggenggeo fa; ka'da mana kalua neme bafak dale mai a, ndia nde nakadada'dik manggenggeo ka.”

MATEOS 15:11 ပူးပေါင်းရင်းမြစ်များ

MAZMUR 10:7

Ana soo-supa nakandoo, ana fe dodoki-aali, ma ana tipu-dai, dede'a-kokolan henuk no nakamuu-nakadauk-ka, ma hala kokola mangalauk.

MAZMUR 12:2

Ou Manetualain, tulu-fali ami, nana ta hapu hataholi ndoos so'on, hataholi manalilinekak neu O-a, mopok-kasa so.

YESAYA 37:23

Ade, o bubuluk see kande o dodoki-aalin, ma o makamumulu-makamamaek-kana ndia do ta? Au, fo Israel Manetualain-na, Manetualain fo malalao-malalafuk-ka.

MATEOS 15:10

Basa boema Yesus nalo na hataholi la de nafa'das nae, “Mamanene leona fo malelak!

MATEOS 15:12

Boema Yesus ana mana tunga nala mai de lafa'dan lae, “Ade Ama bubuluk hataholi Farisi la dale nala ba'i hana, nai lelek lamanene Ama kokolak nae leondia do ta?”

MARKUS 7:15

Ta hapu hata esa neme deak fo ana masok leo hataholi a dalek neu, fo daenga ana hapu tao na hataholi ndia nanggenggeo fa. Dede'a nasafali na nae, hata fo ana kalua neme hataholi esa dalek mai, soona hata ndia nde tao nanggenggeo nana. [

ROMA 14:14

Nanahu au da'di esa o Lamatuak Yesus so, de au amahele ta hapu hata esa boen fo manggenggeok so'on; tehu dede'ak ndia ana da'di manggenggeok soaneu hataholi esa, metema hataholi ndia nafa'da nae, hata ndia manggenggeok.

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

ROMA 14:20

Boso hu ka nde nana'a-nininu ka fo emi tao malutu hata fo Manetualain tao basak ndia. Memak basa nana'ak lala'ena ta nanakena-ka'ik soaneu ta'a fan; tehu metema hata fo emi mi'ak ndia nini sala-singok fe hataholi fe'ek soona, emi sala ndia so.

1 TIMOTIUS 4:3

Lanoli hataholi a fo ala boso saoana, ma laluli nana'a-nininuk nggelok. Te se'kona nana'a-nininuk sila la, Manetualain nakadada'di kasa soaneu hataholi kamahehele kala ma hataholi mana malelak Manetualain nanoli ndo na, fo la'a-linu soona, ala hule-haladoi, loke makasi neu Manetualain

TITUS 1:15

Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!

IBRANI 13:9

Boso po'ilotak nanoli matabeu mata-matak lala'ena, ala tao latofa-latalak emi. Ita dale na, muse nananatetea-nahehelek ninik Manetualain dale malole na, fo ndia nde malole a. Boso hu ka nde nananaketuk neme ito-atok la'eneu nana'a-nininuk. Hataholi fo makahulu na ala tunga nakanenetek sila la, ala ta hapu sosoa-ndandaan fa.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.