MATEOS 15:10 - Susula Malalaok Hehelu Palak Ma Hehelu Beuk

¹⁰ Basa boema Yesus nalo na hataholi la de nafa'das nae, “Mamanene leona fo malelak!

MATEOS 15:10 ပူးပေါင်းရင်းမြစ်များ

1RAJA-RAJA 22:28

Mikha nae, “Metema Ama Manek falima'in no so'da-molek soona, sosoan-na nae, Manetualain ta kokolak tunga au fa! Basa hataholi manai ia la da'di sakasii.”

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 6:9

Boema nadenu au la'o, fo au uni hala heheluk ia soaneu hataholi-la nae, “Neukose emi mamanene makandoo, tehu emi ta malelak fa. Neukose emi taoafik makandoo, tehu emi ta bubuluk hata fo ana da'di fa.”

MATEOS 13:19

Bini-ngges fo mana tu'da nai enok lai na, nakasasama na leo hataholi fo namanene halak la'eneu Manetualain paleta tao leo beek, tehu ta nalela kana fa. Boema Nitu Mangalauk ndia, ana mai de, natona nini hata fo nanasele-nggali basak nai dale nala dalek so.

MATEOS 15:11

Fo mana masok leo bafak dale neu a, ta tao na hataholi a nanggenggeo fa; ka'da mana kalua neme bafak dale mai a, ndia nde nakadada'dik manggenggeo ka.”

MATEOS 15:9

Palsuma la'iesa kana, ala sene-do'ok neu Au, nanahu nakanenete hataholi daebafa ka, nde sila lanoli nana, nonoo ka bai de, Au nakaneneteng sila.’ ”

MATEOS 24:15

“Neukose emi mita ‘Mangalauk fo mana tao makalulutu ka’, nangatuuk nai mamana malalao ka, sama leo nabi Danial-la nafa'da ka. Basa hataholi fo mana lee ia, so'ba malela kana leona.

LUKAS 24:45

Basa boema, Yesus buka dudu'a-aafi nala fo ela lalelak Susula Malalao ka sosoa-ndandaan.

EFESUS 1:17

Au dokodoe, fo ela Manetualain, Amak fo mandela-masa'ak, ma ita Lamatuan Manetualain, fo nde Yesus Kristus, Ana fe Dula dale na neu emi. Neukose Dula Dalek ndia, Ana tao na emi da'di hataholi manatee tenok ma neukose natu'du Manetualain neu emi, fo daenga emi malela kana.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.