MATEOS 14:5 - Susula Malalaok Hehelu Palak Ma Hehelu Beuk

⁵ Tunga ndo na Herodes nau taonisa Yohanis dei, tehu ana bii hataholi la, nanahu lamahele Yohanis ia nde bee na nabi esa.

MATEOS 14:5 ပူးပေါင်းရင်းမြစ်များ

YEREMIA 26:21

Lelek manek Yoyakim no malanga soloda'dun-nala ma basa manaho'u paleta-la lamanene Uria hala-kokolan boema manek-ka ito ato fo ana tao nisan. Tehu Uria namanene dede'ak ndia boema ana da'di manabiik de nalai leo Masir neu.

MATEOS 11:9

Da'di tao le'e de emi meu leo mo maloa meu? Soaneu mete nabi esa do? Tete'e ka, lena-lenak lena heni nabi esa.

MATEOS 21:26

Tehu metema ita tafa'da tae, ‘Ninik hataholi daebafa ka hak ka soona,’ nate ka ita bii hataholi makadoto kala lamanasa, nana basa-basas lamahele Yohanis ndia nde bee na nabi.”

MATEOS 21:32

Nanahu Yohanis Mana Salani ka ana mai, fo natu'du emi eno-dala maso'dak fo Lamatua ka nahii kana, te emi ta nau mamahele nanoli na fa; tehu mana susu bea la, ma ina mana sosoa-piao kala, lamahelen. Tehu leomae emi malelak basa dede'ak sila la so, tehu emi ta dudu'a masafali emi dudu'a-aafi mala nakalenak bai, emi ta nau mamahele Amak Manetualain fa.”

LUKAS 20:6

Tehu metema ita tafa'da tae, ‘Hataholi daebafak nde fen hak ka,’ soona basa hataholi la neukose ala pia ita ninik batu, nana hataholi sila lamahele, Yohanis ndia nabi esa.”

HATAHOLI 4:21

Boema mana maketu-mala'dik sila la ta hapu ne'ek faanak boen soaneu ala huku Petrus no Yohanis. Da'di ka'da lakabibiik Lamatua ka hataholi nadedenu kaduan sila la boema ala po'i duas, nana basa hataholi la koa-kio Manetualain, hu ka nde manda'dik ndia.

HATAHOLI 5:26

Boema solda'du la malanga matuan mana manea Amak Manetualain Uma na, sama-sama no mana manea nala de leu lala falik Lamatua ka hataholi nadedenun sila la. Tehu ala tao balakaik neu fas, nana ala bii hataholi makadoto kala; boso nalosak hataholi makadotok sila la ala tapas linik batu.