MATEOS 14:19 - Susula Malalaok Hehelu Palak Ma Hehelu Beuk

¹⁹ Basa boema nadenu hataholi makadotok sila la, langatuuk leu na'u lain. Boema Ana ho'i na loti bia kalima kala, ma i'a boa kaduak sila la, de nanganalo leo lalai neu, fo noke makasi neu Manetualain. Basa ndia boema, Ana tete'i loti sila la, de Ana fes leo ana mana tunga nala, fo ala baba'e fes leu hataholi makadotok sila la.

MATEOS 14:19 ပူးပေါင်းရင်းမြစ်များ

MATEOS 14:18

Boema Yesus nafa'das nae, “Minis leo ia mai,”

MARKUS 6:39

Boema Yesus nadenu basa hataholi sila la fo langatuuk bubua-bubua kala leu na'u lain.

MARKUS 6:41

Basa boema, Yesus ho'i na loti kalima kala ma i'a boa kaduak sila la de nanganalo leo lalaia neu, boema noke makasi neu Manetualain. Basa ndia boema, Ana tete'i loti sila la de Ana fen neu ana mana tunga nala, fo ala baba'e fes neu hataholi makadotok sila la. Ana baba'e i'a boa kaduak sila la neu hataholi sila la basa-basas.

MARKUS 7:34

Basa ndia boema, Yesus nanganalo leo lalai neu de Ana hela hahae na, boema nafa'da hataholi ndia nae, “Efata,” fo sosoa na nae, “Matahuka leon!”

LUKAS 22:17

Basa ndia boema, Yesus so'uk nggalaa Ango la leo lain neu, boema Ana hule-haladoi noke makasi neu Manetualain, basa boema nae, “Ho'i ma ia, fo baba'en leona!

LUKAS 22:19

Basa ndia boema Yesus ho'i na loti a. Ma Ana hule-haladoi noke makasi basa neu Manetualain, Ana tete'i loti ndia ninik lima na, boema Ana fen neu ana manatunga nala ma nae, “Ia nde Au ao paa nga fo nanafe henik soaneu emi. Tao-no'i ia leona, soaneu mafandendelek Au.”

LUKAS 24:30

Nai lelek fo Yesus nangatuuk na'a sama-sama nos, boema Ana ho'i na loti a de noke makasi neu Manetualain de Ana tete'i loti ndia ninik lima na de Ana fen neu duas.

LUKAS 9:14

Fafakama hapu touk lifun lima lai ndia. Yesus nafa'da ana manatunga nala nae, “Madenu hataholi ia la langatuuk bubua-bubua kala leona. Fafakama hataholi limahulu soona bubuak esa.”

LUKAS 9:16

Boema Yesus ho'i na loti kalima kala ma i'a boa kaduak sila la. Basa boema nanganalo leo lalai neu de noke makasi neu Manetualain. Basa ndia boema, Ana tete'i loti ma i'ak sila la ninik lima na, boema Ana fen neu ana manatunga nala, fo ala baba'en neu hataholi makadotok sila la.

YOHANIS 11:41

Boema ala soliheni batu ndia. Basa boema, Yesus nanganalo leo lalai neu de nae, “Makasi ba'u ka Ama, ninik O mamanene Au so.

YOHANIS 6:23

Basa boema, ofak de'ubee leme kota Tiberias sa mai de, ala see deka lo mamanak fo Yesus fe hataholi makadoto kala la'a loti a.

HATAHOLI 27:35

Paulus kokolak nate'e nae leondia boema, ana ho'i na loti de noke makasi neu Manetualain nai basa-basas matan, de basa boema ana baba'e fes de la'a.

ROMA 14:6

Hataholi fo namahele ka'da faik esa nde malole ndia, ana tao leondiak fo ana fe ha'da-holomata neu Lamatua ka. Boema hataholi fo na'a basa hata lala'ena ndia, ana tao leondiak fo ana fe ha'da-holomata neu Lamatua ka, nanahu noke makasi neu Manetualain hu ka nde nana'a-nininuk sila la. Leondiak boe, hataholi fo na'a ka'da nana'a mata kisa ka, hataholi ndia boeo ana fe ha'da-holomata neu Lamatua ka, ma noke makasi neu Manetualain.

1 KORINTUS 10:16

Nai lelek ita tinu angol no toke makasi neu Manetualain, ade ndia ta natu'du nae, ita da'di esa to Kristus nai mamate na dalek fa do? Ma nai lelek ita baba'e loti, fo ita ta'a sama-sama ndia, ade ndia ta natu'du nae, ita da'di esa nai Kristu ao paa na dalek nde ndia fa do?

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

1 KORINTUS 11:24

de noke basa makasi neu Manetualain soaneu loti ndia boema, Ana tete'i loti ndia ninik lima na ma nae, “Ia nde bee na Au ao paa nga, fo nanafehenik soaneu emi. Tao-no'i ia, soaneu masanene'dak Au.”

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.