MATEOS 13:46 - Susula Malalaok Hehelu Palak Ma Hehelu Beuk

⁴⁶ Lelek fo ana hapu poemata de'ek esa, mana'a hiik nanseli, boema ana fali ne'un lai-lai, de nase'o heni basa hata-heto nala, de ana asa na poemata de'e kisak ndia.”

MATEOS 13:46 ပူးပေါင်းရင်းမြစ်များ

AMSAL 2:4

Sanga basa sila-la, sama leo sanga lilopilas, ma usi basa sila-la, sama leo usi hata-heto nananafunik.

YESAYA 33:6

ma Ana fe anan-nala, latapo'i leme soe-a mai. Hata fo, manasoi-tefa-nala sila nde been-na, nde manatee-tenok-ka, ma malelak-ka, boema fe ha'da-holomata neu Manetualain.

MATEOS 13:44

“Metema Manetualain paleta soona, heheo-hihilun sama leo nakandandaak ia: hapu buas esa, nananatoik nai dae dale. Boema hataholi esa ana kali hapu buas ndia. Tehu nakadofu falik buas ndia leo dae dale neu. Hu ka nde hataholi ndia namahoko nanseli boema ana fali ne'un de nase'o heni basa hata-heton lala'ena, boema ana asa na dae ndia.”

MATEOS 13:45

“Metema Manetualain paleta soona, heheo-hihilun sama leo nakandandaak ia! Hataholi mana dangan esa, ana sanga poemata mana'a hiik.

MATEOS 13:47

“Metema Manetualain paleta soona, heheo-hihilun lakandandaa kana no ala po'i pu'a ka leo dano dale neu, boema nala i'a mata-mata kala.

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

GALATIA 6:14

Tehu au ta nau amatutua-amadedema hata esa makandondook boen, ta'da fe'e ka'da ita Lamatuan Yesus Kristus, fo Ana mate nanalona-nggange basa ka so. Nana, hu ka nde ala lona-nggange lisan ndia de, daebafa ka sosoa-ndandaan ta ba'eneu au so. Nonoo ka bai de, au mate basa soaneu daebafa ka so boe.

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

KOLOSE 2:3

Kristus nde soi nabe'i Manetualain manatee tenon ma malelan lala'ena, fo makahulu na, nananafunik ndia.

NINITAK 18:12

Ta hapu hataholi asa sila lilopilan, lilofulan, poemata, ma mutiara nala so'on. Leondiak boe, sila tema fula mangadila nala, tema pila balanggeok, tema sutra, ma tema pila sangadelak, basa ai mata-matak fo kikisa ka de'i fo hapun, bua-lo'as fo nanataok neme ngga'di dui mai, ma neme ai kabeli kala, neme liti, besi, ma neme batu mangadila ka mai;

NINITAK 21:21

Lelesuina kasanahulu dua nala, ala taon neme mutiara sanahulu dua, fo lelesu la esa soona, ala tao mutiara esa neu. Enok manai kota ndia nanataok neme lilo isi ka mai de neuanak sama leo titino mangadila ka.