MATEOS 13:44 - Susula Malalaok Hehelu Palak Ma Hehelu Beuk

⁴⁴ “Metema Manetualain paleta soona, heheo-hihilun sama leo nakandandaak ia: hapu buas esa, nananatoik nai dae dale. Boema hataholi esa ana kali hapu buas ndia. Tehu nakadofu falik buas ndia leo dae dale neu. Hu ka nde hataholi ndia namahoko nanseli boema ana fali ne'un de nase'o heni basa hata-heton lala'ena, boema ana asa na dae ndia.”

MATEOS 13:44 ပူးပေါင်းရင်းမြစ်များ

AYUB 28:13

Manatee-tenok-ka, ta nai hataholi daebafak-ka tala'da heon fa; ta hapu hataholi bubuluk beli mate'en-na fa.

AMSAL 16:16

Hapu manatee-tenook-ka soona, malolen-na lena heni hapu lilopilas-sa; ma hapu malelak-ka soona, malolen-na lena heni hapu lilofulak-ka.

AMSAL 17:16

Palsuma la'iesak-kana, hataholi dudu'a-aafi taak-ka nabasa tali-doin soaneu sanga manatee-tenok-ka, nana dudu'a-aafin ta neulauk fa.

AMSAL 18:1

Hataholi fo, ana ta nau nakabubua no hataholi fe'ek fa, sosoa-ndandaan nae, hataholi ndia taoafik neu ka'da aoinan-na mesak-kana; ana se'i hataholi fe'ek hahapun-na.

AMSAL 23:23

Asa-ma, nanoli ndoos-sa, manatee-tenok-ka, nanoli-nafa'dak-ka, ma dudu'a manadaik-ka, soona boso mase'o henis.

YESAYA 55:1

Manetualain nafa'da nae, “Mai leon, basa emi fo, manamaa ma'dak-kala, fo minu oe nanasadiak-ka leona. Mai leon, emi fo doi tak-kala, sipo gandum, te ta bae fa, fo mi'a leona! Angol ma kapaoe-a, nanasadiak, sipon no ta bae fa.

MATEOS 13:24

Yesus tui seluk nakandandaak esa, neu hataholi makadoto kala, nae leo ia, “Metema Manetualain paleta soona, heheo-hihilun sama na leo nakandandaak ia: Hataholi mana tao tina-osi esa, neu sele-nggali bini-ngges malole a nai tina.

MATEOS 13:46

Lelek fo ana hapu poemata de'ek esa, mana'a hiik nanseli, boema ana fali ne'un lai-lai, de nase'o heni basa hata-heto nala, de ana asa na poemata de'e kisak ndia.”

MATEOS 13:47

“Metema Manetualain paleta soona, heheo-hihilun lakandandaa kana no ala po'i pu'a ka leo dano dale neu, boema nala i'a mata-mata kala.

MATEOS 19:21

Boema Yesus nafa'dan nae, “Metema o nau matetu-mandaa soona, muu mase'oheni basa o hata-hetom lala'ena, fo fe doi na leo hataholi nuu ta-hata ta ka neu, fo daenga neukose o hapu hata-heto nai nusa so'da ka. Basa ndia soona, mai fo tunga Au!”

MATEOS 19:27

Boema Petrus nae, “Mete dei, te ami la'oela basa ami hata-hetom lala'ena soaneu tunga Ama. De neukose ami hapu beek?”

MATEOS 19:29

Ma see la'oela uma-loon do tolanoo tou tolanoo inan, do ina aman, do upu-anan, do tina-osin nanahu Au soona, neukose hataholi ndia, ana sipo fali kana didikuk la'i natun esa. Ma neukose, ana sipo so'da matetu ka, ma mana ketu basa ta ka boe.

MATEOS 6:21

Nanahu, metema emi hata-hetom nai bee soona, emi dale ma boeo nai ndia!”

LUKAS 14:33

Mete'ena Yesus nae, “Leondiak boe no emi. Ta hapu hataholi esa boen neme emi mai a, hapu da'di Au ana manatungang, metema ana ta nau feheni maso'da na fa.”

YOHANIS 6:35

Tehu Yesus nafa'das nae, “Au nde loti manafe so'dak ndia. Hataholi see mai leo Au mai soona, neukose ana ta namala'a so'on losa dodoo na. Ma see namahele Au soona, neukose ana ta maa ma'da so'on losa dodoo na.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

KOLOSE 2:3

Kristus nde soi nabe'i Manetualain manatee tenon ma malelan lala'ena, fo makahulu na, nananafunik ndia.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

IBRANI 10:34

Leondiak boeo emi tunga mame'da dale he'dik soaneu hataholi fo nanahuku ka. Ma nai lelek basa hata fo emi manuu kala nanaloso nak, emi sipok ndia no dale namahokok nana emi bubuluk mae emi bei manuu hata esa fo malole na lena, fo neukose nakatatakak losa dodoo na.

NINITAK 3:18

Hu ndia de Au anoli-afa'da emi fo ela asa lilopilas neme Au mai, fo nde lilopila isi ka, fo ela emi da'di kamasu'ik. Boeo asa bua-lo'a fulak neme Au mai, fo ela emi mabua-lo'ak fo babaketu emi ha'da-tatao makaholam ma manini mamae ka. Ma asa aidok boe, fo lose neu emi mata ma fo ela emi hapu mita.