MATEOS 12:7 - Susula Malalaok Hehelu Palak Ma Hehelu Beuk

⁷ Nai Susula Malalaok dale nanasulak nae: Au hihii ka nde, susue-lalai ka, te Au ta hii bana tutunu-hohotuk fa. Metema tete'e ka emi bubuluk dede'ak ndia soona, neukose emi ta fe salak neu hataholi sala ta kala fa.

MATEOS 12:7 ပူးပေါင်းရင်းမြစ်များ

AYUB 32:3

Boeo, namanasa Ayub tia-lain ka teluk sila-la, hu kande ala ta bisa se'i lala Ayub hala-kokolan fa, leomae ala fe salak neu Ayub.

MAZMUR 109:31

Nana, nasala'e ma soi-tefa-nala hataholi nuu ta-hata tak-ka, neme hataholi fo, laketu huhuku mamates soaneun.

MAZMUR 94:21

Ala lalahalak, fo la'ban hataholi manatao tunga ndoon-na, ma ala hukulisa hataholi fo sala tak-ka.

AMSAL 17:15

Manetualain ta hii hataholi fo nasala'e, hataholi malelesik-ka, ma ana fe salak neu hataholi sala taak-ka.

HOSEA 6:6

Au nau emi malelak Au, ma sue-lai Au tataas esa, neme emi tunu, ma tunu-hotu tutunu-hohotuk fe Au.

MATEOS 22:29

Boema Yesus nataa nae, “Emi sala manseli, nanahu emi ta malelak Susula Malalao ka isi liin, ma Manetualain koasa na fa.

MATEOS 9:13

Palisak matalolole Susula Malalao ka lalane na nde ia nae: ‘Au hii ka nde susue-lalai ka, te ta nde bana-manu tutunu-hohotu ka fa.’ Nanahu Au ta mai alo hataholi fo nafa'da nae ndia hataholi malole so, te Au mai neu hataholi fo lafa'da lae, hataholi ta malole fa.”

MARKUS 12:33

Hu ndia de, hataholi daebafa ka muse sue-lai Manetualain ninik dale katematua na, ma ninik basa dudu'a-aafin ma ninik basa be'ibalakain lala'ena. Ma ana muse sue-lai nonoo hataholi na sama leo ana sue-lai aoina na boe. Ndia nde malole lenak neme fe tutunu-hohotu bana manu ma tutunu-hohotu fe'ek neu Manetualai na.”

HATAHOLI 13:27

nana hataholi fo mana leo nai Yerusalem mala lo sila mauli-malanga nala ta lame'da fa te, se'kona Hataholi ndia nde mana soi-tefa. Ala ta lalelak nabi la nanolin fo nanalees tunga-tunga fai Saba ta fa, de nalosa ala huku Yesus. Tehu se'ko na no tatao-nono'i leondia ka de ala tao la hata fo nabi la lafa'da ela ka, ana da'di.

YAKOBIS 5:6

Emi huku ma, emi taomisa hataholi sala ta kala, tehu ala ta laban emi fa.

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.