MATEOS 12:10 - Susula Malalaok Hehelu Palak Ma Hehelu Beuk

¹⁰ Nai ndia, nita hataholi lima mate seselik esa. Nai ndia boeo, hapu hataholi de'u bee, ala sanga Yesus sala na. Boema latanen lae, “Ade bole tao nahai hataholi nai fai Saba ta do ta?”

MATEOS 12:10 ပူးပေါင်းရင်းမြစ်များ

YESAYA 32:6

Hataholi nggoak-ka, ana kokolak dede'a nggoak, ma ana tutu'u eno mangalauk. Ana tao su'di beek-ka, do nafa'da su'di beek-ka, nalupa nakamumulu-nakamamaek neu Manetualain. Ana beita fe nita nana'ak neu hataholi kamala'ak-ka, do neninuk neu hataholi manamaa ma'dak-ka.

YESAYA 59:13

Ami malelesi, ma lena-la'ban Manetualain, ma ta nau tunga, ami Manetualaim-ma fa. Ami tuni-ndeni basa hataholi fe'ek, ma la'ok sala so; ami dudu'a-aafim natofa-natalak, ma ami hala-kokolam, masapepeko-masandandalik.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

ZAKHARIA 11:17

Soo-supak ba'eneu manafoo sosoa-ndandaa tak ndia! Ana la'oela bi'ilopo bubuan-na so. Neukose natee-natatik-ka, tao nate'e koasan-na. Neukose, male heni alun-na, ma poke mata konan-na.”

MATEOS 12:2

Lelek hataholi Farisi la lita, boema lafa'da Yesus lae, “Mete mitak O ana mana tunga mala la'o lena ita agama na hoholo-lalanen, nana ala tao hata fo nanakena ka'ik nai fai Saba ta.”

MATEOS 19:3

Boema hataholi Farisi la mai fo sanga lakahihi'i kana. Latane Yesus lae, “Tunga ita agama na loholo-lalanen soona, Ade touk esa, bole elaheni saoinana ninik eno leo bee ka?”

MARKUS 3:2

Nai ndia boeo hapu hataholi la nau sanga Yesus sala na fo ala hapu kalaak kana. Da'di ala taoafik lahelen, ade neukose nakahahaik hataholi nai fai Saba ta do ta.

LUKAS 11:54

Ndia te, ala maku-maku lahelen, fo ala hapu ho'u la hala kokola masalan esa.

LUKAS 13:14

Malanga uma mamasok ndia namanasa de nae, Yesus nakahahaik hataholi nai fai Saba ta, hu ndia de nafa'da hataholi la nae, “Hapu faik ne soaneu taue-tale'di, hu ndia de mai la'e faik sila la fo nakahahaik o, fo boso nai fai Saba ta!”

LUKAS 20:22

Hu ndia de, so'ba Ama mafa'da fe ami, tunga ita agama na nakanenete na, bole bae bea leo Kese la neu do ta?”

LUKAS 23:14

boema nafa'das nae, “Emi mo Hataholi ia leo au mai ma emi mafa'da mae, Ana tao na hataholi la latofa-latalak. Besak ia au palisa kana nai emi matam so, tehu au ta hapu tatao-nono'i mangalauk esa boen, nandaa no dede'ak fo emi kalaa kana fa.

LUKAS 23:2

Ala losa ndia boema, ala mulai kalaa kana lae, “Ami hapu ma Hataholi ia tao na lau nala latofa-latalak. Ana dudungu-papau hataholi la fo ala boso bae bea leo Kese la neu, nana nafa'da nae, Ndia nde bee na ami Mane ma, Manek Mana Fe So'dak fo Manetualain helu ka.”

YOHANIS 5:10

Hu ndia de, basa manakoasa Yahudi la lafa'da hataholi fo besa ka ana hai ndia lae, “Faik ia fai Sabat. De o boso lu'a o ne'a ma.”

YOHANIS 5:3

Hataholi kamahe'dis makadotok bekendoo neu ka lai kama sila la dalek. Nggelok pokek, nggelok ei helak, ma nggelok lu'uk. [Basa-basas lahani lifu ndia oe na nako'ba.

YOHANIS 7:23

Metema emi tao enok ndia, fo daenga emi boso la'olena Musa nakaneneten la'eneu suna ta soona, tao le'e de emi mamanasa Au, nana Au akahahaik hataholi nai fai Saba ta?

YOHANIS 8:6

Latane lae leondia fo ala sanga lakahihi'ik Yesus, fo ala sanga Yesus sala na. Tehu Yesus ka'da nakatele de Ana duduik dae a.

YOHANIS 9:16

Boema hataholi Farisi sila la nggelok lae, “Hataholi manataok ia, ana ta mai neme Manetualain mai fa, nana hataholi ndia, ana ta tao papakek neu fai Saba ta fa.” Tehu hataholi Farisi nggelok soona lae, “Hapu nai bee, hataholi masala-masingo ka hapu tao manda'di beuk leo ia ka?” Boema ala mulai lale'a leona.