MATEOS 11:5 - Susula Malalaok Hehelu Palak Ma Hehelu Beuk

⁵ Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MATEOS 11:5 ပူးပေါင်းရင်းမြစ်များ

2RAJA-RAJA 5:14

Hu ndia de, Naaman neu leo Lee Yarden-na neu, boema neu leo oe dale neu, de ana bolo aon-na, la'i hitu leo oe dale neu, sama leo Elisa nadenuk-ka. Boema, Naaman lea-hai. Aon-na malole falik, sama leo aon fo, bei muli solun-na.

2RAJA-RAJA 5:7

Lelek mane Israel-la lees susulak ndia boema, ana sii-sii bua papaken-na, nanahu dalen-na, ta tesa-tama fa, boema nae, “Soe! Hu beek de, mane Siria ndia noke au tao alea-ahai hataholi ia? Manetualain ta nde au fa, fo nanuu koasa, soaneu tao naso'da do tao namate hataholi! Tao leo bee-o, mane Siria ndia, ka'da sanga salak no au ndia.

MAZMUR 146:8

ma Ana tao-na hataholi pokek-kala lita, Ana hela nafofo'a hataholi manatu'uk-ka, ma Ana sue-lai hataholi manatao tunga ndoon-na.

MAZMUR 22:26

Nai O anam-mala nakabubuan-na tala'da, au koa-kio O, nana basa hata lala'en fo O tao-no'in so. Nai hataholi kamahehelek-kala matan, au tunu-hotu tutunu-hohotuk fo au heluk-ka.

KELUARAN 4:11

Manetualain nafa'dan nae, “See kande, fe hataholi daebafak-ka bafak? See kande, tao-na hataholi ndia hala taak, do pakek? See kande, tao-na hataholi ndia nita, do poken? Ade ta Au, fo Manetualain fa do?

YESAYA 29:18

Nai lelek ndia, neukose hataholi pakek-ka hapu namanene susulak nanalees esa, isi-liin, ma hataholi pokek fo, naka'sa so'dan-na nai makahatuk dale-a, neukose ana hapu nita.

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

YESAYA 43:8

Manetualain nafa'da nae, “Madenu Au leoinang, fo leomae lanuu matak, tehu pokek-kala fo leu leo mata leu; fo pakek-kala, leomae lanuu di'idook.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

ZAKHARIA 11:7

Au, Zakharia, boema manadangan bi'ilopo-la se'ba au, soaneu foo bi'ilopo, fo neukose nanado'ok sila-la. Au aitete'eng 2; de Au foi esa na'de “Dale Malole” ma esak-ka seluk, na'de, “Hehengek.” Basa boema, au mulai anea, ma au akaboboi bi'ilopo sila-la.

MATEOS 10:8

Boema makahahaik hataholi kamahe'di kala; tao maso'da falik hataholi mana mate kala; tao mahai hataholi he'di lou mangalau kala, mai usiheni dula dale mangalau kala. Emi sipo hiik basa sila la lala'ena, da'di fe hii kana neu hataholi la boe.

MATEOS 11:4

Boema Yesus nataa nae, “Fali me'u ma leo Yohanis meu, fo mafa'dan hata fo emi mitan ma mamanenen:

MATEOS 12:13

Basa boema Yesus nafa'da hataholi lima mate seselik ndia nae, “Look o lima ma mai.” Hataholi ndia, lok lima na neu te, liman ndia ana hai de sama leo liman seli a so

MATEOS 21:14

Boema hataholi poke kala ma lu'u ei kala ala mai leo Yesus nai Manetualain Uman dale de Ana tao nahai la'iesa kasa.

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

MATEOS 9:30

Boema duas hapu lita leona. Yesus balataa duas, fo daenga boso lafa'da dede'ak ndia neu hataholi esa boen.

MARKUS 7:37

Basa hataholi fo lamanene dede'ak ndia, ala dodoo doa kana lanseli. Ala kokolak lae, “Ana tao basa hata lala'ena no malole! Nakalenak bai, Ana tao na hataholi pake kala hapu lamanene ma hataholi nggoa kala hapu kokolak!”

MARKUS 9:25

Lelek fo Yesus nita hataholi makadoto kala mulai mai lakamomotu boema, Ana paleta dula dale mangalauk ndia nae, “Dula dale pakek ma hala ta konei, Au paleta o, kalua meme ni'iana ia dalek mai, fo boso boe fali seluk leo ni'iana ia aon dale mai makandondook bai!”

LUKAS 4:18

“Lamatua ka Dula Dale na nai Au dalek, nana Ana so'u basa Au, soaneu tui-benga Hala Malole neu hataholi nuu ta-hata ta ka. Nadenu Au soaneu po'a-benga soi-po'i ka neu hataholi nanahuku kala ma nakahahai ka ba'eneu hataholi poke kala; soaneu soi-po'i hataholi nanatuni-ndeni kala

YOHANIS 10:25

Boema Yesus nataa nae, “Au afa'da basa emi so, tehu emi ta mamahele fa. Tatao-nono'ik fo Au tao-no'in ninik Au Ama nga na'de na, ana da'di buti esa neu Au.

YOHANIS 10:38

Te hu ka nde Au tao-no'in de, mamahele hata fo Au tao-no'ik ndia leona, leomae emi ta nau mamahele Au fa. No enok ndia, emi bubuluk ma malelak mae, Ama ka da'di esa nahele no Au, ma Au da'di esa ahele o Ama ka.”

YOHANIS 2:23

Feta Paskah losa so, te Yesus bei nahele nai Yerusalem, boema Ana tao manda'di beuk ba'u ka, de nalosa hataholi ba'u ka lamahelen.

YOHANIS 3:2

Le'odaek esa boema, neu leo Yesus neu, de natanen nae, “Ama Mesen, ami bubuluk Manetualain nde nadenu Ama mai. Nanahu hataholi ta hapu tao manda'di beuk, sama na leo Ama tao kala fa, metema Manetualain ta nok hataholi ndia fa.”

YOHANIS 5:36

Tehu Au sakasii nga ba'u lenaheni Yohanis sakasii na. Au tao-no'i hata nai besak ia soona, Ama ka nde fe Au tatao-nono'ik ndia, fo ela ana da'di ta'du esa nae, Ama ka nde nadenu Au a.

YOHANIS 9:7

ma nafa'dan nae, “Mu leona, fo safe o mata panam nai Lifu Siloa ma.” (Siloam ndia, sosoa na nae, ‘Nananadenuk’.) Boema hataholi ndia neu safe mata panan leona. Ana safe basan de ana fali ma'in te, nita so.

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.