MATEOS 11:25 - Susula Malalaok Hehelu Palak Ma Hehelu Beuk

²⁵ Lelek ndia, Yesus hule-haladoi nae, “Amak, fo Lamatuak mana koasa lalai a ma daebafa ka! Au oke makasi neu O, nanahu basa dede'ak sila la, O bibila babaas soaneu hataholi malela kala ma hataholi malela ina la, tehu O matu'dun neu hataholi mana sakola ta kala.

MATEOS 11:25 ပူးပေါင်းရင်းမြစ်များ

KEJADIAN 14:19

boema ana fe Abram baba'e-papalak nae, “Sa'di leo been-na Manetualain Fo Mademaina, fo nakadada'dik basa lalai ma daebafak-ka, ba'e-pala Abram!

KEJADIAN 14:22

Tehu, Abram nataa nae, “Au soo nai Manetualain, Fo Mademaina, manamaka dada'dik lalai-a, ma daebafak-ka matan,

2RAJA-RAJA 19:15

boema ana hule-haladoi nae, “Manetualain, fo Israel Manetualain fo nangatuuk nai Kerub lain-na, ka'da O mesa-mesam-ma, nde Manetualain fo koasa basa nusak lala'en-na nai daebafak-ka poin-na. O nde makadada'dik lalai ma daebafak-ka.

1 TAWARIKH 29:13

Besak ia ou ami Manetualaim-ma, ami moke makasi neu O, ma ami koa-kio O na'dem fo matua-mademam-ma.

AYUB 37:24

Hu ndia de, su'di see boe, muse fe ha'da-holomata neun, ma Ana ta paluu taoafik neu hataholi fo, ana manaku nae, ndia hataholi dodole maneu fa.”

MAZMUR 8:2

Ou Amak, fo ami Manetualaim-ma, O koasam-ma nanakoa-nanakiok, nai daebafak-ka lala'en-na! O matua-mademan, dema lena heni lalai

YESAYA 5:21

Soe ba'eneu emi fo, mafa'da mae, emi manatee-tenok ma malelak nanseli!

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

DANIAL 2:23

Ou, Manetualain fo au be'i-ba'i kaing sene-do'ok-ka. O nde au koa-kio ma amatutua-amadedemak-ka. Nana O fe au manatee-tenok ma be'i-balakaik. O sipok ami dokodoem-ma. Ma O matu'du basa natataak soaneu manek-ka so.”

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

MATEOS 16:17

Boema Yesus naen nae, “O maua-manale manseli Simon, fo Yona anan! Nana hataholi daebafak ta nde nafa'da dede'ak ndia neu o fa, tehu Au Amang manai nusa so'da ka.

MATEOS 21:16

Lafa'da Yesus lae, “O mamanene ni'iana la lafa'dak ndia do ta?” Boema Yesus nae, “Hei, Au amanene so, te emi beita lees mita Susula Malalao ka lalane na nde ia nae: ‘Au anoli basa ni'iana la ma ni'iana mana su'u kala, fo ala kokolak koa-kiok fo matetu-mandaak fa do’?”

LUKAS 22:42

nae, “Ama, metema bole soona, madook doidosok fo Au muse la'ola'din ia neme Au a mai leona. Tehu boso tunga Au hihii-nanaung, te tunga ka'da Ama ka hihii-nanaun.”

LUKAS 23:34

Boema Yesus hule-haladoi nae, “Ama, fe do'o do ampon neu hataholi sila la! Te ala ta bubuluk hata fo ala tao fa.” Basa boema ala tu'u batu fo ala baba'e Yeus bua papake nala.

YOHANIS 11:41

Boema ala soliheni batu ndia. Basa boema, Yesus nanganalo leo lalai neu de nae, “Makasi ba'u ka Ama, ninik O mamanene Au so.

YOHANIS 12:27

“Au dale nga to'a-sota. Besak ia Au muse ae le'e bai? Ade Au muse afa'da ae, ‘Ama, fali ma Au neme hatematak ia mai leona do’? Te hu ka nde doidosok ia de Au mai.

YOHANIS 12:28

Ama, O na'de ma nananamatutua-namadedemak!” Boema namanene halak esa neme lalai mai de nafa'dan nae, “Au amatutua-amadedema basan so, ma neukose Au amatutua-amadedema selu kana.”

HATAHOLI 17:24

Manetualain fo mana makadada'dik daebafak ia no basa oe isin lala'ena. Ndia nde bee na Lamatuak neu lalai a no daebafa ka. Ana ta leo nai nitu lalais ala uman, fo hataholi daebafa ka tao ka fa.

1 KORINTUS 2:10

Dede'ak ndia, Manetualain nafa'da basan neu ita, ninik Dula Dale na nakalala'o na. Manetualain Dula Dalen ndia nde bubuluk basa hata lala'ena, losa neu Manetualain dale tutu'un fo nananafuninisa ka boe.

2 KORINTUS 3:14

Sila dudu'a-aafin nanatatana ketuk so. Ma losa besak ia boeo, dudu'a-aafi nala bei nanatatanak ninik tema bibia ni'is, nai lelek fo lamanene hehelu palaak ndia nanalees. Tema bibia ni'is ndia ka'da hapu nanabuka henik, metema hataholi a da'di esa no Kristus.

SEMUEL SUSULAK-KA ESAN-NA 2:18

Ndia te, Semuel fo bei ni'iana ndia, nalalau-naoono nakandoo Manetualain. Ana pake ba'du nanaseu hehelik neme tema abalutu mai, sama leo basa imam-mala ba'du makaluku-makatelen.