MATEOS 11:21 - Susula Malalaok Hehelu Palak Ma Hehelu Beuk

²¹ “Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

MATEOS 11:21 ပူးပေါင်းရင်းမြစ်များ

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

YEREMIA 13:27

Au ita basa emi tao-no'i dede'ak-dede'ak fo Au ta hii fan. Au ita basa emi tunga lamaua daebafak fe'ek-kala nai pupukuk-kala ma nai tina-osi-la, sama leo hataholi touk-kala lamula hataholi saoinan, do sama leo ndala mane-a asa sasaon-naneu ndala ina. Yerusalem Laun-nala lemin, soe ba'eneu emi! Neukose faihi'da de fo emi matapo'i neme basa mangalauk-kala mai?”

YOEL 3:4

Emi sanga tao Au ia le'e, hai Tirus, Sidon ma basa nusa Filistin-na lemin? Emi sanga balas nape'da dalek soaneu Au do? Nah, sipo-ma Au babala manamaing-nga no lai-laik.

AMOS 1:9

Manetualain nafa'da nae, “Laun Tirus-sala lasala-lasingo tataas esa so, hu ndia de, tao leo be o, neukose Au hukus. Ala foo leni leoina esa lala'en-na leo mamana tu'u-tapak neu, de ala fes leo Edom neu. Ala la'olena hehelu-balataa tia-laik-ka so.

MATEOS 11:22

Mafandendelek leona te, neu Fai Mate'e ka te, neukose mudak la'i esa kana, hataholi Tirus ala ma hataholi Sidon ala Manetualain fe do'o do ampon neu sala-singo nala, neme emi mai!

MATEOS 15:21

Basa boema, Yesus la'oela mamanak ndia, de neu leo nusak mana deka no kota Tirus ma kota Sidon a neu.

MATEOS 18:7

Soe matua ina ba'eneu daebafak ia, nanahu dede'a-dede'ak fo mana tao na hataholi a nasala-nasingo a. Memak basa dede'ak matak leo sila kala, neukose hapu tataas esa, tehu soe ba'eneu hataholi fo mana tao-no'i nana!

MATEOS 26:24

Memak Ana Hataholi ka neukose Ana mate sama leo nanasulak nai Susula Malalaok dale. Tehu soe ba'eneu hataholi fo mana ke'dindiu Ana Hataholi ka! Malole lenak hataholi ndia boso bongin makandondook!”

MARKUS 3:8

leme Yerusalem mai, leme nusa Idumea mai, ma leme nusa-nusak manai Yarden boboan dulu mai, ma leme kota-kota manai Tirus ma Sidon boboa kaisu nala mai. Sila basa-basas mai leo Yesus mai, nanahu lamanene basa la'eneu dede'a-dede'ak fo Ana tao no'i nana so.

MARKUS 6:45

Basa ndia boema, no lai-laik Yesus nadenu ana mana tunga nala lakahuluk lo ofa ka leo Betsaida leu, fo nai dano selik. Nana Yesus bei nadenu falik hataholi makadotok sila la.

MARKUS 7:24

Basa boema, Yesus la'oela mamanak ndia de neu leo nusak manadeka no kota Tirus-sa. Ana masok leo uma esa dalek neu, nana Ana ta nau hataholi bubuluk, Ndia nai ndia fa. Tehu Ana ta hapu nafuni na aoina na fa.

MARKUS 7:31

Basa boema Yesus la'oela nusa Tirus-sa de Ana la'ok nakandoo tunga Sidon, fo neu leo Dano Galilea neu. Ana la'ok tunga enok manaleo nusak Kota Sanahulu a.

MARKUS 8:22

Ala losa Betsaida boema, hataholi la lo hataholi pokek esa leo Yesus neu fo loken nafaloe hataholi pokek ndia fo nakahahai kana.

LUKAS 4:26

Leomae leondiak boe, Manetualain ta nadajenu Elia neu leo inafalu sila la esa neu boen, te ka'da nadenun neu leo inafalu esa nai Sarfat nai nusa Sidon na.

LUKAS 6:17

Basa boema Yesus kona neme pupukuk ndia lain mai sama-sama no ana manatunga nala, boema ala hahae de lapadeik lai mamana esa matetuk. Nai ndia boeo hapu ana manatunga fe'en bubua matuaina esa, ma hataholi makadotok leme basa mamanak lala'ena nai basa Yudea, Yerusalem, Tirus ma Sidon fo nai tasi su'u na.

LUKAS 9:10

Yesus ana manatungan fo nadenu kala fali ma'is boema, ala tui Yesus basa hata fo sila tao-no'i nana. Boema Yesus lelekos fo la'ok sama-sama mesa kasa leo kota Betsaida leu.

YOHANIS 1:44

Felipus ia neme Betsaida mai, fo Anderias no Petrus nggolo na.

YOHANIS 12:21

Leu leo Felipus leu de lafa'dan lae, “Tolanoo ei, metema o nau soona, ami mahiik matongo mo Yesus.” (Bongi Felipus neme Betsaida fo nai Galilea.)

HATAHOLI 12:20

Ndia te, Herodes namanasa mangalalau hataholi Tirus-sala ma hataholi Sidon nala. Hu ndia de, hataholi sila la basa-basas mai de lasale lan. Makasososa na ala fufu'di Blastus, fo ndia malangan nai Herodes uma mane na, de nalosa Blastus no kasa. Basa ndia boema leu leo Herodes leu fo loke dame, nana hataholi sila la nusa na, lamahena hapu nana'ak neme Herodes nusa na mai.

HATAHOLI 27:3

Balahaa boema ami losa Sidon. Yulius ta tao mangalauk neu Paulus fa. Ana po'i Paulus bole neu donge-dama nonoo nala, fo ana paluu beek soona, ala fen.

YUDAS 1:11

Soe ba'eneu sila. Ala tunga Kaen eno na so. Hu doi ka, de ala la'ok tunga eno masala ka, sama leo Bileam. Ma sila boeo, nanatao nakalulutuk, nanahu ala sanga musu sama leo Korah.

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”

NINITAK 6:12

Boema au ita Bi'ilopo Ana ndia siiba'e segel kane. Dae maggengo matuaina ana da'di. Le'do da'di nggeok sama leo tema nggeo abasela, ma bula ka da'di pilas sama leo daa ka.