MATEOS 11:20 - Susula Malalaok Hehelu Palak Ma Hehelu Beuk

²⁰ Boema Yesus nakamuu-nakadau kota-kota fo nai bee Ana tao manda'di beuk ba'u ka. Nanahu hataholi manai kota sila la, ala ta nau tuka tei-sale dale leme sala-singo nala mai fa.

MATEOS 11:20 ပူးပေါင်းရင်းမြစ်များ

YEREMIA 8:6

Au amanene matalolole so, tehu emi ta nau kokolak tunga ndoo-na fa. Ta hapu hataholi esa boen, nai emi dalek, nasasale dale neu tatao-nono'i mangalaun-na fa. Ta hapu esa boen, fo nafa'da nae, ‘Au sala beek?’ Emi basa-basam-mala, tunga emi eno mesam-ma, sama leo ndala, ana sapu leo natee-natatik dale neu.

MATEOS 12:41

Neu Fai Mate'e ka te, neukose hataholi Niniwe la, ala fo'a sama-sama lo hataholi besak ia la, fo ala kalaa kasa. Nanahu hataholi Niniwe sila la tuka tei-sale dale leme sala-singo nala mai, nai lelek fo Yunus tui-benga fes ala. Tehu besak ia, hapu hataholi nai ia, ba'u lena Yunus!

MARKUS 16:14

Neu mate'ena boema, Yesus natu'du aoina na neu ama manatungan sanahulu esa, nai lelek fo la'a-linu. Yesus nabengas nana namahehele nala beita dai fa, boema langa batu nala seli, de nalosa ta lamahele hataholi manita matan Yesus naso'da fali ka tutui na fa.

MARKUS 9:19

Boema Yesus nafa'da ana mana tunga nala nae, “Emi ia su'di selin! Emi ia hataholi fo te'e-te'e, ta mamahele fa. Au muse leo o emi, ma Au ta haelai amanasa emi losa faihi'da? Mo ni'iana ndia leo ia mai!”

HATAHOLI 17:20

Nana o kokolak dede'a kala, nenenen soona nanoli mata beuk ndia. Hu ndia de ami nau malelak sosoa-ndandaan.”

2 KORINTUS 12:21

Au bibii ka'da boso nalosak mahani te nai lelek au ne'i, te Manetualain nakadadaek au nai emi matam fo au kii-makaleleu nana sila ba'u ka nai emi dalek, makahulu na lasala-lasingo, ta lasafali dale nala, ma ala ta hahae tao sila tatao-nono'i manasosoa-piao na, manggenggeok ma ta kandaa ka fa.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

NINITAK 16:11

Boema ala supa-soo Manetualain nai nusa so'da ka, nanahu lame'da he'dis hu ka nde bisungguma nala. Tehu ala ta nau tukatei-saledale boen neme tatao-nono'i managalau nala mai fa.

NINITAK 16:9

Hataholi daebafa ka putus, hu ka nde le'do haa na, ma putu sila fo manasupa-soo Manetualain na'de na, Manetualain fo manakoasa susa-soe sila la. Leomae leondiak boe, ala ta nau tukatei-saledale leme sala-singo nala mai, ma ala ta nau koa-kio Manetualain matua-mademan fa.

NINITAK 2:21

Au fe basan fai loak soaneu ana tukatei-saledale neme sala-singo nala mai so, tehu ana ta nau hahae tao-no'i dede'a sosoa-piaok sila la fa.